2 Petrus 2:2 - Allah Wene Hurumbik Keron

² Suontepataruk amuhubon oke, eke it aphe nin inesanggo holuhup-o. Holtuk amuhupseg, demat wene etno seberepfulug sohorep isahup-o.

2 Petrus 2:2 ပူးပေါင်းရင်းမြစ်များ

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 7:14

Eke iniluk welam ambeg kwalem ele etno doron-at wereg-o, o epma aphe inebe dorat kembat ele doron etno heag saruk-o,” ulug yig isebag.

Markus 12:14

Lahap isebahon epmano At Yesus ambeg waharuk apareg, yig ituk wilil, “Ninowe Yesus wai, Hat hobabut fano heyehe-o. It apheyen inahla burukon inim, eke ap misig suon ano doron ulug inahla burukon inim obog-at hahlahiroho wilil, honggarehen-at hakol elehepfulug selegmaroho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o. Ari halug, at Kaisar inowe inuk suon etnowen uang anggen og nimiek-o, ulug kino uruk halug, og imuk ano, sohorep isuk ano?” haren yig nisimin-o,

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Kisah Para Rasul 13:10

yig ituk wilil, “Hat iblis amloho du wai. Haren yi angge di angge fanowon epmano seberoho umburuk wilil, yi angge di angge dahon uson epmano-at suruk hiyihi-o. Ariroho suruk wilil, at Ninoweyen demat ebahon etno enggal ebag neken buruk ahen-o.

Kisah Para Rasul 14:2

Waruk apagma, eke it Yahudi ap nin wene du ninambit ulug ebahon epmanowen it Allah wene inapelehon epmano yig isaruk wilil, “Iren wene urukon wa fug-o,” ulug inindi kahaltuk apag.

Kisah Para Rasul 16:17

at hole etno fobik nit Paulus ninim ninombolim waharisireg, une suon uruk wilil, “It ap At Allah suon anggimbu werehon du hinilanggen isimiek-o. Iren fobik hinili wawag ulug wene etno yig hisaruk-o,”

Kisah Para Rasul 18:26

Ariroho iluk wilil, akol elegsoho-at it Yahudi ap o Allah wene uruk ambeg epmano yig isarisi. Yig isaruk atisimu, it Priskila Akwila inesanggo holtuk atusareg, at ebe walug inibam kurusa. Kuruk atusareg, iren At Allahen sebahon epmano fikfag yanggul itusa.

Kisah Para Rasul 19:9

Ariroho surukmu, it nin inindi arikon epmano wene weheg eleg wilil, At Yesusen sebahon epmano it aphe obog inil fam seberoho embeheg suruk atusama, at Paulus etno it sohorep isaruk atisireg, it omini epmano og inaplug at Tiranusen sekolah yanggul isaruk ambeg etnowen nintul nantul inim uruk atusa.

Kisah Para Rasul 22:4

Eke it bilin Yesus wene webahon epmano mondog war inabiog ulug suruk wilil, ap inim hweap inim obog hele war inaplug o aphe dahon imbisaruk ambeg epma kolap isaruk seyag-o.

Kisah Para Rasul 24:14

Eke kidia anden nahla bihion hat yig hirik-o. An kidia it ninetamuki Inikni Allah etno obam ebetuk wilil, At Yesus inuk fam Allah obam ebetuk ahion ari, iren dag ulug uruk-o. Ariroho urukon oke, eke an hag at Musaen ebahon etno inim, eke it nabien wene holal embebahon etno inim eberoko waruk ahi-o.

Roma 2:24

Eke ariroho suruk ahen ari fam at Alkitab etnowen yig nisaruk wilil, “It Yahudi aben dahan fahan suruk isalug, it ap Allah wene inapelehon epmanowen At Allah inuk seberepfuruk-o,” ulug yig nisaruk-o.

1 Timotius 5:14

Eke ariroho sil nuruk am nowen ulug, it hweap duhumon inahuni waratukon epmano inahuni holalug, udag misig endereheg, inibam ineyabuk fanoroho holeheg suruk amag ulug yig hirihi-o. Ariroho yig hirihi ari, at iblisen inindi kahalik wam nowen ulug yig hirihi-o.

Titus 2:5

Eke it hweap duhumon ari, inindi seberohon inim, inobam nuhuto­hon etno inim, eke inibam yabuk fano surukon etno inim, eke hweap inobabut fanowon inim, inahuni inune holtukon etno inim, hweap obog arion-at welamag-o. Eke it aphe ninen Allah wene seberoho umbuk nowen ulug hweap arion-at welamagsoho yig isaruk amin-o.

Titus 2:8

It ap hune ninambit-o ulug inahla burukon etnowen wene dahon selegma umbulug at seberepfu­huk-o ulug inahla buruk iseheg, it inenggali hawag ulug wene fano­won henggali war habuk fuhon etno-at yig isaruk amin-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

2 Petrus 2:12

Eke it malaikat aphe inobam denggeltuk eleg oke, eke it inenggal wene yig isarukon epmano wam eli neken aben senoko war inabuog ulug wereg-o. Eke it inapelehon neken uruk isalug, fobik mondog war inabuhu-o.

2 Petrus 2:15

It aphe dag surukon epmano kwalem fanowon inapeleg atlug, werlekke laruk-o. Laruk wilil, at Bileam Beor amloho onggalem etno-at laruk-o. At Bileam etno amuk uang og nemag ulug ahla buruk wilil, kwalem dahon etno larukmu, enggalirepfebag etno hit hiniluk-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 2:21

Eke ap etno bilin kwalem fanowon lelep fugmen fano-o. Kidia Yesus kwalem etno dorat iluk wilil, fobik sohorep isarisi etno fam, onggarehen o dagma imig saruk.

2 Petrus 2:7

War inaptuk wilil oke, eke at Lot etno it dag surukmu ambit isaruk wilil obabut fano weregma, ili webag.

Yudas 1:10

At malaikat Mikhael ariroho yig epahon oke, eke it ap dag surukon epmanowen urunangge neken wilil, yi angge di angge surukon etno farim inambilik butuk yig isaruk-o. Eke it ap epmano wam inahla buruk elehon etno ilitoho wilil, it inebe-at dag seko ombataruk-o.

Yudas 1:15

Eke it At Allah inuk wao sohorep isalug dag sil nurukon etno inim, At Allah ari dag surukon ulug inenggal-at obam denggeltil nurukon etno inim it o dagma imbisuog ulug wamuhup-o,” ulug at Henokh etnowen amuk-at hurumbik ebag.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Yudas 1:7

Eke misig du weregma yig hisamin-o. It Sodom Gomora aphe epmano it malaikat etnowen dag sebag etno hag, it ap ap seheg, ap uhweon seheg suruk apagma, At Allahen hit aphe hinusuruk ahi-o, ulug arat hondok olokma imbisebag-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.