2 Petrus 2:18 - Allah Wene Hurumbik Keron

¹⁸ It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 2:18 ပူးပေါင်းရင်းမြစ်များ

Kisah Para Rasul 2:40

Yig isaruk apareg, inesanggo watuk wilil, “It dag surukon du fobik dagma imbisahu-o. Eke hit ariroho hinombisahuk nowen ulug hinahap wendat saruk amiek-o,” ulug yig isebag.

Kisah Para Rasul 8:9

Eke o Samaria epma ap misig inuk Simon etno welapag. Epma wilil, aren sukfugangge elalintoho surukmu, it Samaria aphe epmanowen wi ulug fog suruk apag. Fog surukmu, at etnowen an suon ulug suontepataruk apagma,

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.

Yakobus 5:5

Eke kweanma hiniluk wilil, yi angge di angge obog holaruk atikipseg, hinahien haruk atikip-o. Ari wam ebe su amag ulug orom anggolo og ituk etno hag, hiren yi angge di angge anggolo holaruk ahebon oke, fobik o hondok olokma-at hinombisahaku-o.

2 Petrus 1:4

Eke At Allahen, yi angge di angge fanowon og hisahuk, ulug bilin yig nisarision etno holaruk amuhukseg, ninobabut dahon kweanmon etno sohorep isalug, hinindi keron-at holahuk-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

2 Petrus 2:2

Suontepataruk amuhubon oke, eke it aphe nin inesanggo holuhup-o. Holtuk amuhupseg, demat wene etno seberepfulug sohorep isahup-o.

2 Petrus 2:20

Eke at ap misig o kweanmen surukon etno sohorep isalug, At Ninowe Yesus Kristus une urukon esanggo holtug halug, fobiken iog suhuluk kwalem dahon etno laruk wilil, dahon etno obam ombataruk-o.

2 Petrus 2:7

War inaptuk wilil oke, eke at Lot etno it dag surukmu ambit isaruk wilil obabut fano weregma, ili webag.

2 Petrus 3:17

War inabuhu oke, eke hit nomini, holal du bal hisihion etno fam arat hiniluk aha-o. Ari yig hisihi ari, it inenggal wene urukon epmanowen hinindi kahaltukmu bule ambulug watehep ha nowen ulug yig hisihi-o, nomini. Ari hit hinindi yaharoho welamag ulug yig hisihi-o.

Yudas 1:13

Ik ulu suon urukmu, ebe wereg buruk ahe etno hag it ap etno wereg-o. It ap epmano soholoal da sulug larukmu bule ambik waharuk etno hag, At Allahen hondok olokma lahap isawon ulug wereg-o.

Wahyu 13:11

Eke fobik walo misig kweanmen lahik waharukmu ni­langgen harikik-o. Nilanggen haruk heheg, at walo etno wam kambing ayeg ungguluagmen laha­behon etno ilitoho ayeg biren ungguluagmen lahabeg wilil, une suon-at irisi-o.