2 Petrus 2:14 - Allah Wene Hurumbik Keron

¹⁴ Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

2 Petrus 2:14 ပူးပေါင်းရင်းမြစ်များ

Matius 12:34

Eke hit walo udaki neken welahep du, hino­babut dahon ari famen keroho yi wene di wene fanowon etno uk behep ano? Eke inindimu werehon etnowen inambilik selemen ilitoho-at uruk-o.

Matius 23:14

It hweap suhweon epma inabua iseheg eleg wilil, inibam muko wilip isalug, hit imig saruk ahebon oke, nit fano-o ulug aphe inil fam sembahyang yaron uruk ahep-o. Ari halug, hinebe oag deloko o dagma-at hinombisahaku-o.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 5:28

‘Hat misihen hwe du herako sik-o,’ ulug hilanggen kolap hahun ari fam, hindimuen-at herahakun-o.

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

Efesus 2:3

Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

Yakobus 1:8

Ap ariroho ahla burukon etno indi eleg neken wilil, “Keroho sik, niog kema imbik,” ulug indi seneni ebetuk wilil sil nuruk-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

2 Petrus 3:16

Ari at Paulus Allahen yig itukmu, hurumbik suhuon etno yig nisaruk-o. Hurumbik etno demat uruk oke, it aphe ninen ari keroho uruk-o? ulug inahla buruk wilil, Allah wene holal baleg etno dahapfuruk isalug, inobabut surukon etno famen fobik mondog war inabuhu-o.

1 Yohanes 2:16

Yi angge di angge kweanmon epmano ninilanggen haruk wilil, ari fam suon welaruhuk ulug buruk nisalug, Ninikni Allah sohorep isalug, ninalem kweanmon-at wereg-o.

Yudas 1:11

It ap epmano at Kain onggalem etno-at laruk-o. Eke alem uang etno fam at Bileam sebag etno hag suruk-o. It ap epmano at Korah uwa ebagma wapag etno hag war inabuhu-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.