2 Petrus 2:1 - Allah Wene Hurumbik Keron

¹ Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

2 Petrus 2:1 ပူးပေါင်းရင်းမြစ်များ

Matius 10:33

Eke it obohen an Yesus napeleg-o, ulug selegmaroho uruk elehon halug, Anden At Nikni boholma werehon etno il fam it ap du An napeleg-o, ulug ariroho uhuk-o,” ulug At Yesusen yig isebag.

Matius 24:11

Ariroho suruk iseheg, it ap nin nabi ap neken wilil, iren inenggal-at an Allah wene uruk ahion at-o, ulug yig isaruk amuhupseg, ap anggolo-at inindi kahal inabuhup-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:5

Fobik it ap anggolo at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ ulug yig hisaruk amuhupmu, it aphe obog demat ulug inindi ebebuhup-o.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Lukas 12:9

Eke it obohen an Yesus napeleg-o, ulug selegmaroho urukon halug, An Allahen minduhup naharision etno it Allah malaikat inil fam ap du napeleg-o, ulug ariroho uhuk-o.

Lukas 21:8

Yig ituk apagma, eke At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen, hinonggarehen fanoroho hinindi aso welamuk-o. Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ eke nin, ‘At Allahen suhu ulug hurumbik ebahon etno kidia arat suruk-o,’ ulug yig hisahubon oke, hinesanggo holuk fug-o.

Lukas 6:26

Eke it aphe inuneyen fanowon yig hisaruk isalug, hinabua-o. It amuk nabi ap inenggal ebahon etno ariroho-at inuneyen hit fanowon yig isebag-o,” ulug At Yesusen yig isebag.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

1 Korintus 6:20

Eke hinebe ari hinonggareg unde welahep fug-o. At Kristus hinonggo anggolo embebag etno fam, hit hinebe ari At Allah-at unde wereg-o. Eke ari halug, hit hinebe inim, eke hinindi inim etnowen At Allah inuk-at suontepfuruk amuk-o.

1 Korintus 7:23

Eke hit hinebe hinonggo anggolo balfareg fam, aphe inanggimbu welamuog ulug suk fug-o.

Galatia 2:4

Eke it ninen inenggal-at iyunggul ambilik balukag ulug uruson epmanowen nit Allah wene waruk aheon at-o, ulug it Allah udaki epmano inim herako neken dambuk atusa-o. Eke it dambuk atuson epmano inilanggen yenal wuog ulug kik waharusareg, it ap du Kristus wene waruk wilil, it Yahudi aben ariroho siuk ulug wene ebahon etno ilitoho suruk eleg ari keroho ulug suruk-o, ulug ninebe it inanggimburep nisahuog ulug waharusa-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Galatia 4:17

Eke it aphe inenggal yig hisarukon epmano yamintal-at hinindi kahaluog ulug suruk-o. Eke ariroho suruk ari, an hit ninim healeg welamag ulug suruk-o. Healeg wilil, hiren it inawene etno-at mutlug lawag ulug yig hisaruk-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

1 Timotius 5:8

Eke ap misig at omini inim, owe not inim inaso fanoroho wereg eleg halug, Allah wene demat ulug ebetukon etno seberoho imbisaruk wilil, it Allah wene inapelehon inapma neken wereg-o.

2 Timotius 4:3

Eke fobik it aphe ninen wene demat ulug yanggul isawon etno sohorep isalug, inindien-at suruk wilil, ap misihen yanggul niseheg, at misihen yanggul niseheg yig nisarukmu, ninesanggo holtulen yig nisawag-o, ulug uruk amuhupmu, it dindilabug inesanggo holuk inindion etno-at yig isaruk amuhup-o.

Titus 1:11

Eke it ap ariroho inenggal urukon etno bok amag ulug yig isimuk-o. Eke it epmano dahan fahan suruk wilil, inaharek anggolo amag ulug o sili misig keheg sil nuruk wilil, wene dahon-at it yi aphe di aphe yig isaruk-o.

Titus 3:10

Eke ap misig aphe heal inaptukon etno misi­him esanggo ware­heg, eke birenam esanggo wareheg suruk atlug, fobik akeleg sohorep isin-o.

Ibrani 10:29

Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

1 Yohanes 2:26

Eke it aphe ninen hinindi kahaltil waharuk isalug, anden holal du bal hisihi-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 3:8

Eke hiren suruk ahebon etno An niluk-o. Eke hit dorat hinoag wereg ari An niluk-o. Eke hit Anden yig hisaruk seahon etno hinesanggo holtikipseg, nobam eberoko warikip-o. Eke it apheyen larep hisahuk haion oke, Anden sok etno husep hisaharikik-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.

Wahyu 6:10

Isaruk atikik­mu, it epmanowen inune suon yig ituk wilil, “Ninikni suon hoag werehon du wai. It aphe o kweanmen war inaptuk apahon epmano oke iren surukon etno inaren baloko o dagma imbisahun-o?” ulug uruk atusama, it obog inasum huluon og isarusa-o.