2 Petrus 1:6 - Allah Wene Hurumbik Keron

⁶ niniluk amon etno holahukseg, fobik ninobabut fanowon etno holahuk-o, ninobabut fanowon etno holahukseg, ninindi bugsoho welamon etno holahuk-o, ninindi bugsoho welamon etno holahukseg, fobik ninindi fanowon etno holahuk-o,

2 Petrus 1:6 ပူးပေါင်းရင်းမြစ်များ

Lukas 21:19

Ariroho suhu hiniluk wilil, hinindi oag weregsoho welamuhup etno fam hinebe hinili holahup-o,” ulug At Yesusen yig isebag.

Lukas 8:15

Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Kisah Para Rasul 24:25

Holtuk atusareg weregma, at Paulusen fano surukon etno inim, eke inindi aso welamon etno inim, eke fobik oag deloko imbisawon etno inim dindiloko yig isarukmu, at Feliks etno akol haruk atisireg yig ituk wilil, “Kidia arat ehenteg fam hibam lamihin-o. Fobik wene nesanggo holuk nindi atuk halug, hayonggo umbuhuk-o,”

Roma 15:4

Eke it bilin inahlahiroho wilil inindi oag weregsoho welapahon wene epmano holal embebag ari, niren Alkitab wene holal baleg etno wane seheg, ninindi ebereheg suruk wilil demat fano ninabuhu ulug ninahla bukag ulug embebag-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 8:25

Eke we yi angge di angge ninil haruk ahe fuhon epmano-at og nisahu ulug ninahla buruk wilil, ninindi seberoho og nisawon etno-at aso welahe-o.

1 Korintus 9:25

Eke it obog inambik homagmag aptukon ari inoag wereg amag ulug fikfag suruk wilil, inunggulasum filik atukon epmano huluog ulug suruk oke, eke nit hag filik atuk elehon epmano huluog ulug suruk ahe-o.

2 Korintus 6:4

Eke it ninen dahon epmano ninobam umburuk isalug ninahlahiroho welaheg, eke nit yi angge di angge obok heheg, eke ninindi seneni ebereheg suruk wilil we yuhun-at welahe-o.

Galatia 5:23

eke inindi seberoho welamon etno inim, eke inonggareg inindi aso welamon etno inim, it aphe yiroho diroho fanoroho suruk amon etno obog-at suruk isalug, fobik inebe dag seko imbisahu fug-o.

Kolose 1:11

Eke At Allah oag wereg halug, hit hinoag weregsoho welamuk-o. Eke it ninen hit seberep hisahuog ulug waharuk amuhupmu, hit hinahla bugsoho wilil, minduhuk welamuhup-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

2 Tesalonika 1:4

it Tesalonika ap fano wereg etno hit hinilanggen isaruk amiek-o, ulug hininuk suontepfuruk wilil, eke it ninen dahon etno hinobam umburuk iseheg, hinindi oag weregsoho welahebon etno inim, eke nintul nantul Allah wene fanoroho waruk wilil, hinindi seberoho welahebon etno inim, it obog-at yig isaruk ahe-o.

2 Tesalonika 3:5

Eke hit hinindi At Allah hinim hunduhuk welamon etno inim, eke At Kristusen hinindi oag werehep hisahukon etno inim obog-at At Allahen og hisawag ulug yig hisehe-o.

1 Timotius 2:10

It hweap an Allah wene waruk ahi-o ulug urukonen suruk etno ilitoho inobabut fanoroho wilil suruk amag-o.

1 Timotius 2:2

Eke nit fano mondog wilil, Allah wene weheg eke ninobabut fanoroho seheg suruk amuhuken ulug, it ap suon-suon inim, eke it yi aphe di aphe inowesi epmano inim inake sembahyang uruk amuk-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

1 Timotius 6:3

Eke ap misihen dahan fahan yanggul isaruk wilil, At Ninowe Yesus Kristusen demat ulug yig isebahon etno sohorep iseheg, eke niren wene du demat ulug yig hisaruk aheon etno seberep iseheg surukon ari, yi angge di angge apeleg wilil, onggarehen indimu suontepataruk-o.

1 Timotius 6:6

Ariroho inahla burukon oke, Allah wene demat ulug ninindi ebetuk nisalug, ninaharek anggolo-at og nisarisi du ninahien-o, ulug ninindi ebetuk am ari fano.

2 Timotius 3:5

eke inambiliken nit Allah wene waruk aheon at-o uruk wilil nintul nantul ilitoho suruk elehon etno inim, dag surukon etno obog-at it apheyen fobik suhup-o. Ariroho suruk amuhubon oke, hat sohorep isalug wilip amin-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Titus 1:8

Eke ap etno indi arik elehon inim, eke asine elehon inim, eke ambusu nenek surukon etno donggogsoho naruk elehon etno inim, eke yi angge di angge yu­hun-at hulik ulug ahla buruk elehon etno inim, eke ap huso waharukmu fikfag inabua surukon etno inim, eke fano sukon nindi ulug ahla buru­kon etno inim, eke indi humbulihon etno inim, eke obabut fano­won etno inim,

Titus 2:2

Eke it ap inanggohon epmano inindi aso fanoroho welamin-o. Inaso wilil, inakol hawon inim, inindi seberoho welamon inim, ap arion-at welamag ulug yig isaruk amin-o. Eke it inindi demat burukon etno inim, eke aphe inindi hunduhuk werehon etno inim, eke inindi oag wereg atlug inindi inahientoho welamon etno inim ariroho wela­mag ulug yig isaruk amin-o.

Ibrani 10:36

Eke At Allahen og hisahuk ulug ebahon etno huluog ulug hiren At ahla burukon etno suruk amuk-o, ulug hinahla buruk wilil hinindi seberoho-at welamuk-o.

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

Ibrani 6:12

Eke hit hinaboraliroho suhup halug, nit ninambit-o. Eke it ap nin, inindimu fanoroho ebetuk wilil, dahon etno inobam umburuk iseheg yuhun-at wereg isalug, At Allahen og hisaruk-o ulug abug ebahon etno holuog ulug wereg etno hag, hit ariroho-at welamag ulug yig hisehe-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

2 Petrus 1:3

At Allahen at ninim ilitoho welamuhuken ulug wol ninaptision etno niniluk wereg halug, At suon oag werehon etnowen yi angge di angge fanowon epmano og nisarisi-o.

2 Petrus 3:11

Yi angge di angge obog ariroho-at eleg atuk halug, hit ap sandeg neken welamuhup-o?

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 13:10

Ap misig senoko hele wabuhup ulug holal baleg etno wereg halug, fobik hele wabuhup at-o. Eke ap misig karog fam wabuhup ulug, holal baleg etno wereg halug, karog fam wabuhup at-o. Ari halug, hit Allah uda­kion epmano hinindi seberoho wilil, At Yesus inuk eberoko waruk amuk-o.

Wahyu 14:12

Ariroho uruk atisimu, it Allah udaki epmano inim, eke it Allahen ebahon eberoko warukon epmano inim, eke At Yesusen yig isebahon inahla burukon epmano inim, it epmano inindi oag weregsoho-at welamag ulug irisi-o.

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.