2 Petrus 1:5 - Allah Wene Hurumbik Keron

⁵ Ari halug, nomini-o, Allah wene waruk aheon oke, eke fanoroho surukon etno obam seberoho holahuk-o, fanoroho surukon etno holahukseg, niniluk amon etno inim holahuk-o,

2 Petrus 1:5 ပူးပေါင်းရင်းမြစ်များ

Lukas 16:26

Eke o nit wereg ambeg dumen hat welahen ambeg epma huli suon kahaleg weregma, nit dumen hat hambeg ambik wam hai-o. Eke hat wereg ambeg epmen nit ninambeg duma lahik wam hai-o,’ ulug yig epag-o.

Lukas 24:21

Eke nit hag Aren it Israel aphe ninim ninili wahu ulug ninahla burukukon oke, o hao welatukuk etno fam watusa-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

1 Korintus 14:20

Eke hit hinahla buruk ahebon ari it udag doronen inahla buruk epmano hag hinahla buruk am fug-o, nomini. Eke dag suruk ahebon ari hag sohorep isalug it udag fuangge wereg epmano hag welamuk-o. Eke hinahla buruk ahebon ari hag it ap inanggohon inindi werehonen fanoroho wereg epmano hag welamuk-o.

Efesus 5:17

Eke ari halug, urunangge neken welamon etno sohorep isalug, anden suruk amag ulug At Allahen keroho yig nituk-o, ulug hinindi ebetuk amuk-o.

Filipi 1:9

Eke an hit hinake sembahyang uruk wilil, duroho uruk ahi-o, hit hinindi hunduhuk welamon etno inim, eke yi wene di wene obog-at hiniluk amon etno inim, eke du fano du dag ulug hinindimuen ebebukon etno inim, obog-at su amag ulug hinake sembahyang uruk ahi-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

Filipi 4:8

Eke yi angge di angge fanowon inim, eke ari suk fano ulug urukon etno inim, eke demat urukon etno inim eke fanoroho surukon etno inim eke motoho surukon etno inim eke sabele elehon etno inim eke ninindi hunduhuk welamon etno inim eke it apheyen ari fano ulug suontepfukon etno inim eke yi angge di angge arion-at huluog ulug hinindi ebetuk amuk-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

Kolose 2:3

Aren yig nisebahon etno fam bilin At Allahen yi wene di wene iniluk amon dugsoho embebahon epmano bukaloko neken iniluk atuk-o.

Ibrani 11:6

ap misig indi demat ulug ebetuk eleg halug, At Allah ahien neawag ulug suruk eleg-o. Eke it yi aphe di aphe At Allah ambeg wamuog ulug surukon epmano it obog At Allah demat wereg ulug inindi ebereheg, eke nin ebe heaharuk nisalug, onggo fanowon-at og nisahu ulug inahla beheg suruk amag-o.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

1 Petrus 3:7

Eke hit ap etnowen, nuhwe du oag elehon wereg-o, ulug hinahla buruk wilil, hinuhwesi hinim fanoroho wilil, hinahien inobam umburuk amuk-o. Hinuhwesi hinim fano weregma, fobik At Allahen hiniluk welamon etno og hisahu-o. Eke hiren sembahyang uruk wilil, hinindi fanoroho welamuk-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.