2 Petrus 1:17 - Allah Wene Hurumbik Keron

¹⁷ Eke At Allahen une oag weregsoho Yesus yig ituk wilil, “An Namloho nindi hunduhukon du nahien hiyihi-o,” ulug yig itukmu ninesanggo holtukuk-o.

2 Petrus 1:17 ပူးပေါင်းရင်းမြစ်များ

Matius 12:18

“At Allahen An nanggimbu heako imbirikikon etno ebe du at-o. At An ninim hunduhuk wilil, nahien hihi-o. Eke An nahurangge obam belabik waharuk aruhukmu, it yi aphe di aphe obog At Allahen hinaren baltuk aruhu ulug yig isahu-o.

Matius 17:3

Hulu atuk apagma, it Musa, Elia etano At Yesus inim wene baltukmu, it omini henahan etanowen inilanggen isebag.

Matius 17:5

ulug awan yig ituk heheg, hena wikal neken lahaptukon etno sebe inapag.

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Markus 1:11

Eke At etno ilanggen yet haruk apagma, boholmen une yig ituk wilil, “Hat An Namloho nindi hunduhuk atma, nindi nahien hihi-o,” ulug yig epag.

Markus 9:7

Yig ituk apagma, it etano hena misig ambik waharuk apareg, sebe inapag. Sebe inaptuk apagma, hena ahla epmanowen une misig yig isaruk wilil, “An Namloho nindi hunduhukon ari-at etna, hit At une-at holtuk amiek-o,”

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Lukas 3:22

sue yalme etno ilitoho Roh Kudus At obam ambik wapag. Ambik waharuk apagma, boholmen une yig ituk wilil, “Hat An Namloho nindi hunduhuk atma, nindi nahien hihi-o,” ulug yig epag.

Yohanes 10:36

Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

Yohanes 14:11

Ari halug, haren An Nikni ninim ninebe misig-at welaheon etno demat ulug eberoko waruk amin. Eke ari eleg halug, nineyabuk misihon-at suruk ahe etno fam nobam ebetuk amin-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Yohanes 3:35

Eke At Ikni etno Amloho indi hunduhuk wilil, yi angge di angge obog unde welamag ulug inggikmu imbirisi-o.

Yohanes 5:20

Eke At Ikni etno Amloho indi hunduhuk wilil, An duruho suruk ahi-o, ulug obog-at yanggul ituk-o. Ari halug, fobik yi angge di angge sukfuganggeroho sukon epmano obog-at yanggul ituk aruhumu, hit obohen wi ulug fog suruk amuhup-o.

Yohanes 5:26

Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:39

Eke At lahap nabik waharision etnowen duroho sukag ulug ahla burukon etno yig nituk wilil, it aphe Anden og hituk seyahon epmano misig sohorep isahun fug-o. Inebe obog-at o ari fam iniluksoho minduhup isahun-o, ulug yig nituk apareg,

Roma 15:6

Eke ari fam, hit obog hinebe dambuksoho hinune misig-at uruk wilil, At Allah Ninowe Yesus Kristus Ikni etno inuk-at suontepfuruk amag ulug yig hisihi-o.

2 Korintus 1:3

At Allah Ninowe Yesus Kristus Ikni etnowen nit ninabua nisaruk wilil, yalmag ninaptukon etno wa ulug yig imuk-o.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

2 Yohanes 1:3

At Ninikni Allah Amloho Yesus Kristus etno inimen nit obog ninobam inahien embeheg, eke fanowon etno inindi hunduhuken og niseheg suruk amag ulug sembahyang uruk ahe-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.