2 Petrus 1:12 - Allah Wene Hurumbik Keron

¹² Eke an nebe niluk wilil, yi wene di wene etno obog hinindi ebebukag ulug yig hisa fano bihi-o.

2 Petrus 1:12 ပူးပေါင်းရင်းမြစ်များ

Kisah Para Rasul 16:5

Inesanggo watuk apareg weregma, it aphe Allah wene warukon epmano inindi oag wereg atuk wilil, inebe anggolo apag.

Filipi 3:1

Nomini-o, At Ninowe etnowen hinindi hinahientep hisaharuk amag ulug yig hisihi-o. Eke bilin holal bal hisarikikon hinindi oag wereg amag ulug, fobik etno-at dahagsoho bal hisao ari fano at-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

Kolose 2:7

Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

2 Timotius 1:6

Ariroho nindi ebetuk wilil, an bilin hungguluag ninggik senetukmu, At Allahen og hitision etno hahla bukag ulug yig hituk ahi-o.

Ibrani 10:32

Ari halug, hiren nit bilin ariroho welatukuk ulug hinindi ebetuk amuk-o. Eke o ari sambit At Allahen o seleg Aren angge etno og hisarisireg fam, it ninen dahon epmano hinobam umburuson oke, hinindi oag weregsoho-at welatikip-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

2 Petrus 1:13

Yig hisa fano bihion oke, At Nowe Yesus Kristusen bilin yig nepag etno hag, horog kidia nebe wararuhuk-o.

2 Petrus 1:15

Nebe fobik wararuhuk ari famen yi wene di wene yig hisarikikon epmano hinindimu ebebukag ulug kidia-at yig hisa fano ulug nahla buruk ahi-o.

2 Petrus 3:1

Ari halug nomini-o, hit hinahla burukon eleg amag ulug, yi wene di wene obog-at holal birenam bal hisihion du fam yig hisihi-o.

2 Petrus 3:17

War inabuhu oke, eke hit nomini, holal du bal hisihion etno fam arat hiniluk aha-o. Ari yig hisihi ari, it inenggal wene urukon epmanowen hinindi kahaltukmu bule ambulug watehep ha nowen ulug yig hisihi-o, nomini. Ari hit hinindi yaharoho welamag ulug yig hisihi-o.

1 Yohanes 2:21

Yi angge di angge obog epmano hinapelegma halug, anden holal du bal hisihi fug. Eke yi angge di angge obog epmano hiniluk halug, anden holal du bal hisihi-o.

2 Yohanes 1:2

Ari Allah wene etno nintul nantul ninindimu wereg halug, hit hinebe ninindi hunduhuk welahe-o.

Yudas 1:17

Nomini-o, eke misig du yig hisamin-o. At Ninowe Yesus Kristus etnowen omini mondep isebahon epmanowen hurumbik ebahon etno hinindi ebetuk amiek-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.

Yudas 1:5

Eke iren surukon epmano amuk-at sebag hit hiniluk-o. Ari At Allahen it Israel ap inilioko o Mesiren senoko wilip isaruk apareg, fobik it ap At inuk webag fuhon epmano war inapag.