2 Petrus 1:1 - Allah Wene Hurumbik Keron

¹ Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Petrus 1:1 ပူးပေါင်းရင်းမြစ်များ

Matius 10:2

it ap wol isebahon epmano ini­nuk Simon, inuk misig Petrus soalfahon etno inim, at ot Andreas etno inim, at Zebedeus udaki Yakobus, ot Yohanes etano inim,

Matius 4:18

Eke fobik At Yesus ik Galilea ayegma laruk wilil, at Simon inuk misig Petrus etno, ot Andreas inimen werul etno ikma belaptukmu ilanggen yet isebag. It etano ikan watukon welapag.

Lukas 1:47

At Allah nili warukon etno obam nahien haruk ahi-o.

Lukas 11:49

Eke At Allah yi angge di angge obog ilukon etnowen amuk yig isaruk wilil,

Yohanes 1:42

Imbik laruk apagma, At Yesus etnowen ilanggen bikharuk apareg, yig ituk wilil, “Hat hebe Simon, Yohanes amloho welahen hiyihi-o. Eke hinuk soaleg welahenon ari, fobik hinuk Kefas misig, Petrus misig soal habuhuk ari, helep ulug soal habuhuk-o,” ulug yig epag.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Kisah Para Rasul 15:14

At Simon bilin ehek ari, At Allahen it Allah wene waruk elehon inanggelegmen At udaki ful inaptision epmano yig nisehek-o.

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

Roma 1:12

Eke an sembahyang uruk ahion ari, hit ninim wilil Allah wene fanoroho uhuken ulug ninindi ebetuk amuhukseg, an hit ninim ninindimu oag weregsoho welamon wene etno ninindi ebebuhukseg, nindi nahien hahuk-o.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 15:9

An nebe etno wene yig isil nuruk amag ulug mondep nahabahon-at oke, nebe doron-at welahi-o, eke anden it Allah udaki mug isaruk seyahon epmano wereg heheg, an nebe mondep nahebahon ulug yig num ari nenggali haruk ahion oke,

1 Korintus 9:1

Eke an nebe yuhun-at sil nurukon buruk ahep ano? Eke At Ninowe etnowen wene yig isil nuruk amag ulug mondep nahabag fug buruk ahep ano? Eke an At Ninowe Yesus etno ilanggen kiroho harisi fug buruk ahep ano? An neyabuk At Ninowe inuk etno fam sirikikon etno hit o epma welahep fug ano?

2 Korintus 4:13

Eke Alkitab fam yig nisaruk wilil, “At obam ebetikikseg fam nune irikik-o,” ulug ebag etno hag nit ariroho At obam ebetuk ahe etno fam ninune uruk ahe-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 2:8

Eke it Yahudi ap epmano yig isil lawag ulug at Petrus oag werehon etno og itisireg, mondepfirisi etno hag, it Allah wene inapelehon epmano yig isil lawag ulug an oag werehon etno og nitisireg mondep naharisi-o.

Efesus 3:5

Eke o amuk wene heraho welapahon etno aphe yig isebag fug oke, kidia At Allahen Roh Kudus etno fam it At awene yig isil lawag ulug mondep isebahon epmano inim, eke it nabi epmano inim bukaloko yig isarisi-o.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

Efesus 4:5

Eke At Ninowe ebe misig-at wereg-o, eke ninindimu demat ulug ebetuk aheon etno misig-at wereg-o. Eke ikma belap ninaptukon etno misig-at wereg-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 1:29

Eke hit hinabua hisaruk wilil, At Kristus anggimbu welamon etno og hisarisireg fam, hiren At Yesus obam ebetuk ahep-o. Eke At awene ebetuk ahep etno fam dahon etno hinobam umburuk-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

2 Timotius 1:5

Eke hat humbia Lois inim, eke hat hisina Eunike inim Allah wene demat ulug eberoko webag etno hag hat ariroho-at Allah wene demat ulug eberoko waruk ahen etno niluk wilil, hobam nindi ebetuk ahi-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

1 Petrus 1:1

An Yesus Kristus omini mondep isebahon misig Petrus etnowen wene holal du bal hisihi-o. Hit Allah udaki o Pontus, Galatia, Kapadokia, Asia-Kecil, Bitinia inim huso neken welahebon epmano wene holal du bal hisihi-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

1 Petrus 2:7

hit Allah wene waruk ahebon epmanowen, “O wut oag du fanowon-at hehe-o,” ulug uruk ahebon oke, eke wene holal misig du wereg-o, “It o faltukon epmanowen o wut oag du sohorep isul uruson oke, eke Anden o wut oag ulug minduhupfirikik-o,” ulug ariroho ebag.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

2 Petrus 1:4

Eke At Allahen, yi angge di angge fanowon og hisahuk, ulug bilin yig nisarision etno holaruk amuhukseg, ninobabut dahon kweanmon etno sohorep isalug, hinindi keron-at holahuk-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.