2 Korintus 9:1 - Allah Wene Hurumbik Keron

¹ Eke it Allah udaki o Yudea werehon epmano yalmag inabukag ulug anden holal bal hisao ari hai-o.

2 Korintus 9:1 ပူးပေါင်းရင်းမြစ်များ

Matius 22:31

Eke alem it warehon iniluksoho minamon etno farim kidia yig hisamin-o. Ari halug, hit At Allahen wene yig hisebahon etno wane suruk ahep fug ano? At Allahen uruk wilil,

Kisah Para Rasul 24:17

Ariroho suruk wilil, eke o Yerusalem sohorep isalug, tahun anggolo o ahik ya da sil nuruk atikikseg, fobik it nomini uang dorat og isaruk wilil, Allah ake imbiog ulug suhuluk larikik.

Roma 11:28

Eke it Yahudi aben wene fano wene etno ninambit uruk atusa etno fam hit bilin Allah wene hinapeleg welatikibon epmano hinake At Allah inim healeg wereg oke, At Allahen it inetamuki epmano inim wene fanoroho baltuk apareg fam, it Yahudi ap fuloko imbisebag halug, it At omini indi hunduhukon neken wereg-o.

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

Roma 15:31

Eke it Yudea aphe Allah wene ninambit urukon epmanowen nowabuk nowen ulug hit nake sembahyang uruk amuk-o. Eke it Allah udaki o Yerusalem werehon epmano yi angge di angge og isa lahukon ari inahientoho holawag ulug sembahyang uruk amuk-o.

Galatia 2:10

Ariroho uruk atukukseg, eke iren hinog og ninaptuk wilil, “It ap niron inaharek elehon epmano menag isawag ulug hinindi eberiek-o,” ulug yig nisaruson etno an hag nintul nantul ilitoho suruk atikik-o.

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

1 Tesalonika 5:1

Nomini-o, At o maram waruhu-o ulug yig hisarikikon etno inim, eke mo lahik waharukim waruhu ano, eke mo amburukmu waruhu ano ulug wene yig hisarikikon etno inim holal bal hisao ari hai-o. Hit hiniluk-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.