2 Korintus 8:9 - Allah Wene Hurumbik Keron

⁹ At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

2 Korintus 8:9 ပူးပေါင်းရင်းမြစ်များ

Matius 17:27

Eke it ap du ninim winimug abehe ha nowen-o. Halug hat ik ayegma laruk apmihinteg, hele ikan watukon etno ikma belapfimihin-o. Belapfimihinteg ikan wereg halug, hundoko lahapfik wapmihin-o. Hundoko lahapfik wapmihinteg, uang anggen suon misig heahamihin-o. Heaharuk apmihinteg, uang anggen suon etno fam hiren Anden o Allah ibam onggo umbukon etno ilit arikon-o. Ilit arikonma, niren o Allah ibam onggo umbukon ulug uang anggen etno imbik lamihin-o,” ulug yig epag.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Markus 6:3

Ari halug, At ebe at Maria amloho ap o faltukon etno-at ano? Eke At osi Yakobus, Yoses, Yudas, Simon etano eleg buruk ahep ano? Eke At aholani o duma ninim welahe epmano hinapeleg ano?

Lukas 16:11

Ari halug, yi angge di angge kweanmon epmano fanoroho suruk hinapeleg halug, suon fanowon etno keroho suhup-o?

Lukas 2:7

Fanggog uruk apagma, amloho manggia ap angge-at endepag. Endetuk apareg, o it aphe nohoruk ambeg epmano kolo elehen Udag etno sum fam yinggiloko wam inaharom umburuk ambeg e belareg etno fam embebag.

Lukas 8:3

eke misig at Yohana, ahun Khuza at Herodes inim inowe neken wilil yabuk surukon uhwe etno inim, eke misig at Susana etno inim, eke hweap anggolo At Yesus omini inim ineyabuk surukon epmano inim lebag.

Lukas 9:58

Yig ituk apagma, At Yesusen yig ituk wilil, “Bak halug, inielma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Yohanes 1:10

Ari fam At Wene etno o kweanma welapag. Ariroho wilil, At Allah inimen o kweanma duma wal hebahon oke, it aphe epmanowen ap du Ninowe ulug inahla buruk apag fug.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 12:30

Ariroho uruk apagma, eke At Yesusen yig isaruk wilil, “Une ehek ari, An nakeleg nesanggo holukag ulug ehek fug. Hit obog-at hinesanggo holukag ulug ehek-o.

Yohanes 16:15

Eke yi angge di angge obog An Niknien angge epmano Anden angge-at wereg-o. Ariroho wereg halug, At Roh Kudusen wene Anden angge etno yig iruhukmu, Aren yig hisahu-o, ulug yig hisihi-o,” ulug yig isebag.

Yohanes 17:19

Eke it inebe epmano Hat hudaki demat welamag ulug An nebe etno it inake nonggarehen fuloko ombataruk ahi-o.

Roma 11:12

Eke it Yahudi ap ariroho bule amburusareg fam, it yi aphe di aphe kweanmon obog-at inabua harisi-o. Eke it epmano inaharek eleg atisireg fam, fobik it aphe Allah wene inapeleg welatuson epmano inaharek anggolo atisi-o. Inaharek arat anggolo atision oke, fobik it Yahudi ap obog eberoko waruk amuhupmu, inaharek mondog anggolo atuk aruhu-o.

Roma 15:3

Eke At Kristus etno hag ahien hiog ulug sebag fug-o. Ariroho suruk apag fug ari fam, At Alkitab wene holal baleg etnowen yig nisaruk wilil, “It apheyen inune dahon hat hobam umburuson epmano An-at nobam umburusa-o,” ulug bilin wene holal embebag etno nit inim-at yanggul nisawag ulug embebag-o.

Roma 5:8

eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

Roma 8:32

Eke At Allahen Amloho etno ili wao sohorep isalug, nit obog ninake embebareg fam, At Kristus inim eke yi angge di angge obog inim og nisahu fug buruk ahep ano?

1 Korintus 1:4

Eke At Allahen hinabua hisaruk wilil At Kristus Yesus og hisebahon etno anden nintul nantul hit farim Ninikni Allah wa ulug yig ituk ahi-o.

1 Korintus 15:47

Eke at ap bilinon etno alem kweanmon-at welapag-o, eke At fobikon etno alem boholmon-at wereg-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

Efesus 2:7

Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

Efesus 3:19

Eke At Kristusen ninobam indi hunduhuk werehon etno niren obogsoho ebebuk fug oke, obog-at hiniluk am ari fano-o. Ariroho hiniluk wereg hisalug, At Allahen hinim welamon etno hinindimu kelegsoho-at og hisahu-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

Ibrani 1:2

eke kidia At Amloho etnowen wene etno yig nisaruk atisi-o. Ariroho yig nisaruk atisi ari, At Allahen Amloho yi angge di angge unde welamag ulug minduhupfebahon etno, At Allahen at inuk fam o ahik ya da wal hebag-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.

Wahyu 3:18

Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.