2 Korintus 8:23 - Allah Wene Hurumbik Keron

²³ Eke at nomin Titus etno hag, ninim hit hinindi yabuk suruk ahe-o. Eke it ninomini nin at Titus inim hinambeg waharukon ari, it aphe demat ulug ebetukon epmanowen mondep isarusareg fam, At Kristus inuk etno suontepfuruk-o.

2 Korintus 8:23 ပူးပေါင်းရင်းမြစ်များ

Lukas 5:10

Fog suruk apagma, At Yesusen Simon etno yig ituk wilil, “Hat hakol ha fug-o. Hiren ikan anggolo warehen epmano hag aphe sen inabil lahup-o,” ulug yig epag,

Lukas 5:7

Ikan anggolo kebareg weregma, it epmano werul inakeleg lisuk anggin atuken inomini so misig fam werehon epmano yalmag ninabukag ulug ininggik yanggap isebag. Yanggap isaruk apagma, it epmano waharuk apareg, ikan epmano lisoko so fam umburuk apagma, ikan angginen so etno dot seberoho ambebag.

Yohanes 13:16

Ari halug, Anden hit wene demat uruk amon etno yig hisamin-o. Ap misig anggimbu etno suon neken, eke ikni etno doron neken wereg eleg-o. Eke ap misihen at misig lawag ulug mondepfurukon etno suon neken, eke at lag ulug yig itukon etno doron neken wereg eleg-o,

1 Korintus 11:7

Eke it ap epmano hag At Allahen At ahut neken inolohore inambian fano haloko imbisebareg fam, inunggulasum wanturuk eleg-o. Eke it hweap epmano hag it ap inolohore ilitoho haloko imbisebag-o.

2 Korintus 12:18

Eke anden at Titus etno lahun ano ulug hinog og harikikseg, yu uruk atisimu, at ninomin misig etno inim-at lahap isa waharikik ari fam at Titusen ninaharek holarisi buruk ahep ano? Eke an hag at Titus ninim ninobabut suruk aheon etno dahan fahan suruk nisalug, ilitoho surusa fug ulug uruk ahep ano?

2 Korintus 7:6

Eke At Allah ap inindi oag eleg isalug oag werehep isarukon etnowen at Titus ninambeg lahapfik waharisimu, ninindi oag werehep nisaharisi-o.

2 Korintus 8:16

Eke at Titus etno hit hinindi yabuk sukag ulug At Allahen indi oag werehep firision etno fam wa ulug yig ituk ahe-o.

2 Korintus 8:18

Eke at Titus etno inim lawag ulug, at ninomin o ahik ya da wene fano wene yig isarukmu inuk suontepfuruson etno inim lahapfuruk ahe-o.

2 Korintus 8:19

Eke at ninomin ari an ninim lawag ulug it Allah udaki epmanowen fuloko umburusa-o. Ariroho fuloko umburusareg fam, niren At Allah inuk suontepfeheg, eke yalmag hinaptuk ahe ulug bukaloko yig iseheg suruk amuhuken ulug ninindi hunduhuk wilil sukon ari at ninomin etno ninim-at sil lahuk-o.

2 Korintus 8:22

Eke ari halug, at ninomin etno it inim lawag ulug lahapfuruk ahe-o, eke at ebe lahapfehe ari, niren nintul nantul aren baltukukseg oke, obabut fanoroho yalmag inabukon-at harukuk-o. Eke kidia it fano suruk ulug hinabug esanggo holtuk atisireg, aren mondog yalmag hinabiog ulug suruk-o.

2 Korintus 8:6

Eke ari halug, at Titus etno bilin yabuk duma sirisireg fam, atog fobik neken hit Allah udaki hinim hinindi hunduhuk wilil, Allah ake umburuk amon etno yig hisawag ulug yig itukuk-o.

Filipi 2:25

Eke at ninomin Epafroditus etno inim-at lahapfik wariog ulug nahla birikik-o.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

Kolose 1:7

At ninomin Epafras etnowen yig hisarukmu, eberoko warikip-o. Eke at Epafras etno niren yig itukmu, At Kristus eyabuk eberoko suruk etno fam,

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

2 Timotius 4:10

Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Filemon 1:17

Eke ari halug, an nebe nomin ulug heahi war naptuk ahen etno ilito­ho, at ebe heahi waroko hibam hinim welamuk-o.

Filemon 1:24

Eke it nomini ninim yabuk suruk aheon epmano, at Markus inim, eke at Aristarkhus inim, eke at Demas inim, eke at Lukas inim, it obohen heahi war haptuk-o.

3 Yohanes 1:8

Ari halug, nit Allah udaki epmanowen ap ari ninambeg waharuk isalug, ninim nohulen, yig isimuk-o. Ariroho yalmag isaruk wilil, eke Allah yabuk etno-at suruk ahe-o, ulug ninindi ebebuk-o.