2 Korintus 8:12 - Allah Wene Hurumbik Keron

¹² Eke hit hinaharek anggolo werehon epmano anggolo embeheg, eke hit hinaharek dorat werehon epmano dorat embeheg suruk hisalug, At Allah ahien hisahu-o. Eke hit hinaharek elehon epmano dorat embehep ulug winimug hisahu fug-o.

2 Korintus 8:12 ပူးပေါင်းရင်းမြစ်များ

Matius 25:17

Ombataruk heheg, eke at anggimbu misig dua ribu og epahon etno fobik obam seberoho dua ribu-at ombatebag-o.

Matius 25:22

Yig ituk apagma, at anggimbu misig dua ribu og epahon etno kuruk apareg, uang anggen dua ribu bilinon etno inim fobikon misig dambuksoho ikni etno og ituk wilil, ‘Nikni-o, uang anggen dua ribu og nitikinon etno anden dua ribu-at hundutikikseg, inim dambuksoho og hirihi du hilanggen himin-o,’ ulug yig epag-o.

Lukas 16:10

Eke ap misig yi angge di angge doron fanoroho surukon etnowen suon etno fanoroho-at suruk-o. Eke ap misig yi angge di angge doron yamintalsoho surukon etnowen suon etno yamintalsoho-at suruk-o.

2 Korintus 8:11

Eke ari halug, hiren bilin o ari sambit atog suhuk ulug hinahla birikip etno hag kidia hit hinaharek wereg epmano ilitoho suruk amuk-o.

2 Korintus 8:13

Eke it aphe nin hag og isaruk wilil, hit hag hinaharek eleg amag ulug yig hisihi fug-o. Hit kidia hinaharek anggolo wereg halug, it nin kidia inaharek elehon epmano yalmag inaptuk amag ulug yig hisihi-o. Ariroho suruk hisalug, eke fobik hinaharek eleg aruhumu, it inaharek anggolo wilil hit yalmag hinabuhup-o.

2 Korintus 8:19

Eke at ninomin ari an ninim lawag ulug it Allah udaki epmanowen fuloko umburusa-o. Ariroho fuloko umburusareg fam, niren At Allah inuk suontepfeheg, eke yalmag hinaptuk ahe ulug bukaloko yig iseheg suruk amuhuken ulug ninindi hunduhuk wilil sukon ari at ninomin etno ninim-at sil lahuk-o.

2 Korintus 9:7

Eke nulug imbirikik ulug hinindi dag aheg, eke it ninen ariroho imbin ulug yig nitusa famen keroho imbirikik ulug hinahla beheg suk fug-o. It inobabut fanowon halug At Allahen indi hunduhuk wereg-o.

1 Petrus 4:10

Eke hit obog Allahen yi angge di angge surukon og hisebag halug, etno At Allahen-at og nitisi-o ulug, Allah yabuk fikfag suruk amiek-o.