2 Korintus 8:10 - Allah Wene Hurumbik Keron

¹⁰ Eke ari halug, alem misig du nahla buruk ahion etno yig hisamin-o. Hit hag hinonggareg hinindi buluhen tahun misig bilin welatukukon etno fam hit alem bilinon neken sirikibon epmano kidia atog suk fano ulug yig hisaruk ahi-o.

2 Korintus 8:10 ပူးပေါင်းရင်းမြစ်များ

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

1 Korintus 7:40

Eke an nahla buruk wilil, at hwe suhweon etno ariroho wilil ahien haruk aruhu-o, ulug ariroho nahla buruk ahi ari, an hag At Roh Kudus ninim welahe buruk ahi-o.

1 Korintus 7:25

Eke kidia it ap elege, hweap duhumon inawene etno At Ninowe etnowen yig isawag ulug yanggul nitisi fuhon oke, eke At Ninowe etnowen nabua nearisireg fam, nahla eberoko suruk wilil nindimuen wal haruk ahion etno yig hisamin-o.

Filipi 4:17

Eke an yi angge di angge heahil sil nuruk ahi fuhon oke, eke hiren og nitikip etno fam, it Filipi aphe anggen fanowon yihiruk ari, At Allahen onggo og isahu ari nahla buruk ahi-o.

2 Korintus 8:8

Eke ariroho siuk ulug yig hisaruk ahi fuhon oke, it ninen anggolo umburusa ulug yig hisaruk ahi ari, hit hinindi hunduhuk wilil, keroho umbuhup ulug hinaren baliog ulug yig hisihi-o. Eke At Ninowe Yesus Kristus etnowen ahmu nisebag etno hit hiniluk-o.

1 Korintus 16:2

Eke hit o hari Minggu fam nintul nantul hit hinaharek werehon halug, anggoloroho embeheg, eke hit hinaharek elehon halug, dorat embeheg suruk wilil, uang epmano hit an awan waharuk eleg nealug dugsoho umburuk amuk-o.

2 Korintus 12:1

Eke an suontepataminon etno fam nindi werehep naharuk eleg oke, an nebe noho ful fal neken At Allahen yig nitukmu ni og harikikon etno kidia yig hisamin-o.

Yohanes 11:50

Ariroho uruk ahep ari, it yi aphe di aphe obog war inabuk nowen ulug, ap misig inake waram ari fano ulug hinahla buruk ahep fug ano?” ulug yig isebag.

Matius 10:42

Eke An namloho misig it apheyen ap du kimbu-o ulug urukon oke, ap misihen ik holon induk fanowon etno nawag ulug og ituk halug, fobik An nudaki onggo fanowon og isahuon epmano nin minggiroko ap ik holon og itision etno og iruhu-o, ulug yig hisihion ari hinindi ebetuk amiek-o,” ulug yig isebag.

1 Korintus 10:23

Anden yi angge di angge siog ulug yuhun-at welahion oke, eke yi angge di angge surukon epmano fam fano naptuk eleg-o. Eke anden yi angge di angge siog ulug yuhun-at welahion oke, yi angge di angge surukon epmano fam fano seko ninombisaharuk eleg-o.

1 Korintus 6:12

Anden yi angge di angge siog ulug yuhun-at welahion oke, eke yi angge di angge surukon epmano fano naptuk eleg-o. Eke anden yi angge di angge siog ulug yuhun-at welahion oke, eke alem misihon etno nobam ombata-o ari nambit-o.

Yohanes 18:14

Eke at Kayafas etnowen bilin it Yahudi ap epmano yig isaruk wilil, “It aphe obog inake ap misig waram ari fano at-o,” ulug yig isebag.

Yohanes 16:7

Ariroho dag aha ari famen, Anden wene demat uruk amon etno yig hisamin, An nebe lahuk ari, hit hinabuen-at lahuk-o. Eke An nebe laruk eleg nealug, At Yalmag hinaptukon etno hit hinambeg waruhu fug-o. Eke An nebe lahuk halug, At etno hinambeg lahapfik waruhuk-o.

2 Korintus 8:6

Eke ari halug, at Titus etno bilin yabuk duma sirisireg fam, atog fobik neken hit Allah udaki hinim hinindi hunduhuk wilil, Allah ake umburuk amon etno yig hisawag ulug yig itukuk-o.