2 Korintus 8:1 - Allah Wene Hurumbik Keron

¹ Nomini-o, At Allah udaki o Makedonia werehon epmano At Allah ahien isaruk heheg suruson epmano hit hiniluk amag ulug yig hisaruk ahe-o.

2 Korintus 8:1 ပူးပေါင်းရင်းမြစ်များ

Matius 25:22

Yig ituk apagma, at anggimbu misig dua ribu og epahon etno kuruk apareg, uang anggen dua ribu bilinon etno inim fobikon misig dambuksoho ikni etno og ituk wilil, ‘Nikni-o, uang anggen dua ribu og nitikinon etno anden dua ribu-at hundutikikseg, inim dambuksoho og hirihi du hilanggen himin-o,’ ulug yig epag-o.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 16:9

I og haruk apag, duroho yig itukmu hebag it Makedonia ap misig minapareg, yanggap suruk wilil, “Hat o Makedonia duma nit yalmag ninabik waruhun-o,” ulug yig itukmu i og hebag.

Kisah Para Rasul 24:17

Ariroho suruk wilil, eke o Yerusalem sohorep isalug, tahun anggolo o ahik ya da sil nuruk atikikseg, fobik it nomini uang dorat og isaruk wilil, Allah ake imbiog ulug suhuluk larikik.

Roma 15:26

Eke it Allah udaki o Makedonia Akhaya inim werehon epmanowen it Allah udaki o Yerusalemon inaharek elehon epmano yi angge di angge og isuog ulug Allah ake yi angge di angge umbuhuk inahla burusa ari,

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

2 Korintus 11:9

Eke an yi angge di angge elegma, it ninomini o Makedonia epmen waharuson epmanowen obog ilitoho-at og nirik waharusa-o. Eke an bilin og nimiek ulug yig hisarikik fug etno hag, fobik ariroho yig hisahuk fug-o.

2 Korintus 9:12

Eke hit hinindien At Allah udaki yi angge di angge elehon epmano og isaruk hisalug, iren nintul nantul Allah wa ulug uruk amuhup-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

2 Korintus 9:4

Eke it Makedonia aphe epmano ninim hinambeg waharuk amuhukseg, hit yalmag inaptuk elegma niren ninilanggen hisahuk ari hai-o. Eke niren it demat yalmag inabuhup ulug suontep hisaharukukon oke, hiren ariroho suruk eleg welatlepma, nit ninenggali anggolo holo-o. Eke hit ariroho-at hinenggali anggolo helep-o, ulug ariroho nahla buruk wilil,

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

1 Tesalonika 4:10

Eke Aren yanggul hisarision etno hiniluk wilil, it hinomini o Makedonia werehon epmano obog hinindi hunduhuk welahep ari fano neken welahep oke, fobik inim obam seberoho sukag ulug yig hisaruk ahe-o nomini.