2 Korintus 7:7 - Allah Wene Hurumbik Keron

⁷ Eke at etno waharuk atisimu, ninahien haruk atukukseg hiren at indi werehepfirikibon etno dindiloko yig nisarisi etno fam ninindi oag werehep nisaharisi-o. Eke an nebe hit bik nisa wamag ulug hinindien suruk ahebon etno inim, eke an farim hinindi dag atukon epmano inim, eke hiren an nake suruk ahebon epmano inim, obog-at yig nituk atisimu, kidia nahien anggolo haruk ahi-o.

2 Korintus 7:7 ပူးပေါင်းရင်းမြစ်များ

Matius 26:75

at Petrus etno Yesusen bilin yig epahon etno indi ebetuk wilil, “Sue ayam une iog ulug suruk heheg hinggik henahanam An ebe napeleg-o ulug uhun-o,” ulug yig epahon etno indi ebetuk apareg, selema wilip apag. Wilip atuk apareg, ioba anggolo yapag.

Matius 5:4

Eke hit hinindi dag atuk ahebon halug, wa. Hinindi fano hinabuhu-o.

Lukas 22:44

Indi oag werehepfuruk apagma, indi dag atuk wilil, sembahyang mondog uruk apag. Urukmu, At etno obamen ilisag mep degsoho kweanma amburuk etno hag amburuk apag.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Roma 1:12

Eke an sembahyang uruk ahion ari, hit ninim wilil Allah wene fanoroho uhuken ulug ninindi ebetuk amuhukseg, an hit ninim ninindimu oag weregsoho welamon wene etno ninindi ebebuhukseg, nindi nahien hahuk-o.

1 Korintus 5:2

Eke hit ariroho suruk ahebon oke, hiren nit fano ulug uruk ahep ari, keroho ulug uruk ahep-o? Eke hinahien sukon etno sohorep isalug at ap ariroho surukon etna hinanggelegmen lisoko wilipfuog ulug ioba yatlepmen fano.

2 Korintus 1:14

Eke ari halug, At Ninowe Yesus waruhu ari sambit hiren nit suontep nisahakeg, eke niren hit suontep hisahakeg suruk amuhuk-o.

2 Korintus 1:4

Eke dahon epmano ninobam umburuk isalug, Aren ninahlahiroho yig nisaruk wilil, yalmag ninaptuk etno fam, niren it nin dahon inobam umburuk isalug, inahlahiroho yig isaruk wilil, yalmag inaptuk ahe-o.

2 Korintus 2:9

Eke alem du fam holal etno bal hisarikik-o. Eke hit hag nintul nantul an nune ilitoho-at suruk ano? ulug hinaren baliog ulug holal etno bal hisarikik-o.

2 Korintus 5:2

Eke ninibam o boholmen og nisawon epmano ninindien suruk ahe-o.

2 Korintus 7:6

Eke At Allah ap inindi oag eleg isalug oag werehep isarukon etnowen at Titus ninambeg lahapfik waharisimu, ninindi oag werehep nisaharisi-o.

2 Korintus 7:8

Eke anden holal etno bal hisarikikmu, hit hinindi dag atikibon oke, holal etno bal isao sohorep isawim sirikik ulug nahla buruk ahi fug-o. Eke holal bal hisarikikon etno fam hinindi dag atikibon etno arat niluk atisireg, nindi dag atleon oke, fano sirikik ulug nahien haruk ahi-o.

2 Korintus 8:16

Eke at Titus etno hit hinindi yabuk sukag ulug At Allahen indi oag werehep firision etno fam wa ulug yig ituk ahe-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Kolose 2:5

Eke an nebe yatma-at welahi oke, nahla buruk ahion etno hit hinim horog-at wereg-o. Ariroho weregma, At Kristus awene eberoko waruk wilil hinoag weregsoho welahebon etno nilanggen haruk wilil, an nahientoho-at welahi-o.

1 Tesalonika 3:6

Lahapfik waharuk atikikmu, at Timotius etno hit wereg ambehen iog suhuluk ninambeg waharuk atisireg, it Tesalonika ap epma inindi hunduhuk wilil, Allah wene fano waruk-o, ulug yig nisarisi-o. Eke aren yig nisaruk wilil, “Hit it Tesalonika aben nintul nantul hinobam ebetuk-o. Eke hiren it bik isa lawon hinindi ebetuk ahep etno hag, iren hit bik hisa wamon ebetuk-o,” ulug ariroho yig nisaruk atisireg fam, nit ninahien harukuk-o.

1 Tesalonika 3:8

Eke Allah wene waruk wilil, At Ninowe hinim hinoag weregsoho welahep etno fam ninahien haruk ahe-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.

Yakobus 5:17

Eke bilin at Elia nit ilitoho welapag etno hinindi ebetuk amiek-o. Aren bilin osit waharukon bok amag ulug sembahyang uruk apagma, tiga setengah tahun osit waheg eleg welapag, ariroho weregma,

2 Yohanes 1:4

Nahaloho-o, hat hudaki nin Allah wene warusa-o, ulug nesanggo holtikikseg, nahien harikik-o. At Allahen an nawene wimiek ulug yig nisebag etno fam, an nahien harikik-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.