2 Korintus 7:2 - Allah Wene Hurumbik Keron

² Niren yig hiseheon etno ebebuog ulug hinindi sok husig neken welamuk-o. Eke ap misig ninenggal-at obam denggeleheg, eke obabut indi arik sebeheg, eke ap misig ninalomnangge holeheg suruk atukuk fug-o, ulug ihion ari hit hinoag del hinabiog ulug yig hisihi fug-o.

2 Korintus 7:2 ပူးပေါင်းရင်းမြစ်များ

Matius 10:14

Eke o misig it apheyen wa ulug yig hiseheg eleg-at hinune yig isahubon etno sahaltuk isalug, inolohotma hiniog sabele horoho imbisa­lug, o etno sohorep isahup-o.

Matius 10:40

At Yesusen yig isaruk wilil, “Ap misihen ninim welamulen ulug yig hisaruk halug, An nebe-at ninim welamulen yig nituk-o. Eke An nebe ninim welamulen yig nituk isalug, At lahap nabik waharision etno-at ninim welamulen yig ituk-o.

Lukas 10:8

Eke hit hinebe o misig kuruk amuhupmu, heahi war hinaptuk wilil og hisahubon epmano nenggeg, aphe o epma uk warehon halug fano inabeheg suruk amuhupseg, yig isaruk wilil,

Kisah Para Rasul 20:33

Eke anden ap misihen angge perak, emas, sum, onggo ulug holarikik fug-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

2 Korintus 11:16

Eke hiren at Paulus etno urunanggeroho suruk ulug hinahla behep ha nowen ulug fobik inim-at dahagsoho yig hisaruk ahi-o. Eke hit ariroho-at hinahla buruk wilil, an nebe urunangge neken surukon etno nobam hinindi ebetuk hisalug, ari fam an dorat suontepatahuk-o.

2 Korintus 11:9

Eke an yi angge di angge elegma, it ninomini o Makedonia epmen waharuson epmanowen obog ilitoho-at og nirik waharusa-o. Eke an bilin og nimiek ulug yig hisarikik fug etno hag, fobik ariroho yig hisahuk fug-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Filipi 2:29

Eke ari halug, hit hinahien haruk wilil, at ninomin ninim Allah wene waruk aheon etno waha-o, ulug heahi wabuhup-o. Eke it ap nin at ebe ilitoho halug, du ap fanowon at-o, ulug ininuk suontepfuruk amuk-o.

Kolose 4:10

Eke at Aristarkhus ninim hele waroko kolap ninaptuson etnowen wahinaniog ulug heahi war hinaptuk-o. Eke at Barnabas omin Markus etno duroho heahi wabuhup ulug arat holal imbirikikon etno inim,

1 Tesalonika 2:10

Ariroho suruk atukukon etno hit hiniluk at-o, eke At Allah iluk at-o. Eke hit Allah wene waruk ahebon epmano hinim wilil, ninobabut fanoroho suruk wilil, dag seko hinombisahakeg eleg ninim welatukuk-o.

Filemon 1:12

Eke at ebe lahapfik waharuk wilil, nindi hunduhuk heheg-at lahapfik waharuk ahi-o.

Filemon 1:17

Eke ari halug, an nebe nomin ulug heahi war naptuk ahen etno ilito­ho, at ebe heahi waroko hibam hinim welamuk-o.

2 Yohanes 1:10

At Kristusen yig nisebahon etno ilitoho yig hisalug eleg hinambeg waharuk isalug, ninim nohuk, ulug yig isa fug-o. Eke an nibam kik ma, ulug hinune fanoroho yig isa fug-o.