2 Korintus 7:11 - Allah Wene Hurumbik Keron

¹¹ Eke At Allahen hinindi dahap hisaharisireg fam, keroho surukuk ulug hinahla eberiuk-o. Eke fanoroho suruk amon etno inim, eke ninapelehen neken surukuk ulug ukon etno inim, eke hinindi ioba yabukon etno inim, eke hinakoltoho welamon etno inim, eke fanoroho suhuk ulug hinahla bukon etno inim, eke at Paulusen irisi etno ilitoho suruk amuk ulug hinahla buruk wilil suruk amon etno inim, eke dag sirision etno onggo umbukag ulug ukon etno inim, obog-at suruk amuog ulug sirikip ari fam, hiren alem etno eleg amag ulug fanoroho sirikibon etno arat niluk atisi-o.

2 Korintus 7:11 ပူးပေါင်းရင်းမြစ်များ

Markus 3:5

Ariroho bok weregma, obam winimugsoho ilanggen bik iseheg, eke it aphe obog inindi dahon wereg isalug, inabua iseheg suruk apareg, ap inggik hunduhukon etno yig ituk wilil, “Hat kidia hinggik bung himin-o,” ulug yig ituk apagma, bung haruk apareg, inggik etno arat fano apag.

Yohanes 2:17

Yig isaruk apagma, At omini epmanowen Alkitab wene holal baleg du fam inindi ebetuk wilil, “Hat Allah hibam yabuk narug fanoroho siog ulug nindi nahien haruk ahi-o,” ulug wene embebahon etno inindi ebebag.

Kisah Para Rasul 17:16

Eke fobik at Paulusen it Silas Timotius etano waharukim ulug o Atena inaso wilil, o epma obog kwanangge ulug waltehon haruk atisireg, indimuen ambit atisi.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 3:5

Eke niren dag suruk ahe epmano fam, At Allahen fano surukon epmano selegma atuk halug, keroho uk-o? Eke an it apheyen uruk etno hag yig hisamin-o.

1 Korintus 12:25

ninebe obog dambuksoho wal hebag-o.

1 Korintus 5:13

Eke ariroho at Alkitab etno fam yig nisaruk wilil, “At ap dahon hinanggelegma werehon etno hiren oag deloko wilipfiuk-o,” ulug yig nisaruk-o.

1 Korintus 5:2

Eke hit ariroho suruk ahebon oke, hiren nit fano ulug uruk ahep ari, keroho ulug uruk ahep-o? Eke hinahien sukon etno sohorep isalug at ap ariroho surukon etna hinanggelegmen lisoko wilipfuog ulug ioba yatlepmen fano.

2 Korintus 13:7

Eke hiren dag suk nowen ulug At Allah obam sembahyang uruk ahi-o. Eke hiren at Paulus hag demat irisi ulug hinahla bukag ulug uruk ahi fug-o. Eke hiren at Paulus demat irisi ulug uhup fug halug, ari fano at-o. We hit hag fanoroho suruk amag ulug yig hisaruk ahi-o.

2 Korintus 2:6

Eke hit obohen ap etno onggo umbukag ulug yig itikipmu imbirisireg fam, kidia arat ehep-o.

2 Korintus 6:4

Eke it ninen dahon epmano ninobam umburuk isalug ninahlahiroho welaheg, eke nit yi angge di angge obok heheg, eke ninindi seneni ebereheg suruk wilil we yuhun-at welahe-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

2 Korintus 7:7

Eke at etno waharuk atisimu, ninahien haruk atukukseg hiren at indi werehepfirikibon etno dindiloko yig nisarisi etno fam ninindi oag werehep nisaharisi-o. Eke an nebe hit bik nisa wamag ulug hinindien suruk ahebon etno inim, eke an farim hinindi dag atukon epmano inim, eke hiren an nake suruk ahebon epmano inim, obog-at yig nituk atisimu, kidia nahien anggolo haruk ahi-o.

2 Korintus 7:9

Eke anden hinindi dahap hisaharikikon ari fam nahien haruk ahi fug-o. We hit hinindi dag atuk wilil, ioba yatuk atikipseg, hinindi wereg atikip etno fam nahien haruk ahi-o. Eke hit hinindi dag atikip etno At Allahen hinindi werehep hisaharisireg fam, anden hinindi dahap hisarikik ari fam hinobabut dahap hisaharikik fug-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

Efesus 4:26

Eke hinasine atuk halug, dag suk fug-o. Eke hinindi hinasine haruk ahebon etno ilingge arambik hinasine haruk am fug-o.

Efesus 5:11

Eke it aphe o hikmu wilil, yi angge di angge ebe elehon surukon etno hinim welam fug-o. Eke it o hikmuen surukon epmano o seleg etno fam inaren balepfuruk amuhukseg, dag sehep ulug yig isaruk amuk-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

1 Tesalonika 4:6

Eke ari halug hinominien angge herahapateheg, eke hinalomnangge weheg, suruk am fug-o. Eke it ap dag surukon ari At Allahen onggo dahon etno inobam umbuhu-o, ulug bilin hinesanggo watuk wilil yig hisarukukon etno-at dahagsoho yig hisaruk ahe-o.

1 Timotius 5:20

Eke it aphe dag surukon halug, it aphe nin inakol amagsoho selegma-at inesanggo watuk amin-o.

2 Timotius 2:15

Eke At Allah hat yabuk fano suruk ahen ulug yig nemag ulug yabuk etno henggali elegsoho wilil suruk amin-o. Eke Allah wene demat ulug yig nisebahon etno fikfag aphe yanggul isaruk amin-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

Ibrani 4:1

Ari halug, At Allah ninim kelsaruk ambeg ninim kuhuk ulug ebahon etno nit-at hurumbik yig nisaruk-o. Eke hiren ap niron misig kirisi fug ehe ha nowen ulug hinakoltoho welamuk-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

1 Petrus 1:17

Eke hit At Allah obam sembahyang uruk wilil, Ninikni-o ulug yig ituk ahep-o. Ariroho yig ituk ahep ari, At Allahen aphe obog ninaren baltuk weregma, At apma wilil o kweanmen hiniluk wilil dia, At Ninikni une-at holtuk amuk-o, ulug hinindi ebetuk amiek-o.

1 Petrus 2:2

Eke udag doronen isina ag naruk hag, hit At Roh Kudusen yanggul hisarukon wene etno mondog holaruk weregma etno fam hinindi werehep hisahalug hinili wahu-o.

Yudas 1:23

It nin inabua suhupseg, hinahmu isahup-o. Eke it dag surukon epmano halug, inasum-at amben wereg-o, ulug hik isa lahup-o.

Wahyu 3:19

Eke it aphe obog nindi hunduhukon epmano inonggalem mot amag ulug winimug yig iseheg, inesanggo wareheg suruk ahi-o. Ari halug, hinobabut fano amag ulug hiren dag suruk ahebon epmano sohorep isiek-o.