2 Korintus 6:9 - Allah Wene Hurumbik Keron

⁹ Eke nit ninebe epmano inapeleg neken wereg oke, it obohen iniluk wereg-o. Eke ninebe warehon neken welaheon oke, niniluk-at weregma nisaruk ahep-o. Eke ninebe hele war ninaptukon oke, binggi war ninaptuk eleg-o.

2 Korintus 6:9 ပူးပေါင်းရင်းမြစ်များ

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 19:26

Eke kidia at Paulus etnowen yig isil larukon etno hiniluk-o. At Paulus etnowen yig isaruk wilil, ‘Aphe ininggiken waltehon ari Allah ebe fug-o,’ ulug yig isarukmu holtikip-o. Eke aren ariroho yig isarukmu, it aphe o Efesus duma, o Asia obog wene etno eberoko waruk atusa.

Kisah Para Rasul 25:19

At obam denggeltusa ari alem suon elehen, we iren wene duroho suruk amuk eke duroho suruk am fug ulug ebahon etno fam obam denggeltusa. Eke alem misig ari ap inuk Yesus warapahon etno farim at Paulusen At ebe iluk wereg-o, ulug yig isarision etno fam obam denggeltusa.

Kisah Para Rasul 25:26

Eke alem elehen ap du farim at Kaisar wene holal keroho baloko og imuhuk ulug nahla birikik. Eke kidia at ap etno hiren aren balepfulug holal baluhuken ulug hit duma welahebon, hat Raja Agripa hinim hinolohotma imbik wahi-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

Roma 8:36

Eke at Alkitab wene holal baleg etnowen yig nisaruk wilil, “Nit hat hawene waruk nisalug, ilikia hupmu-at war ninabuog ulug suruk-o. Ariroho suruk wilil, wam domba war inabuog ulug suruk etno hag war ninabuog ulug suruk-o,” ulug wene holal baleg etno fam yig nisaruk oke, eke nit ninebe At indi hunduhuk welapahon etno ninim welahe ari fam nit ninebe ninoag weregsoho suon-at welamuhuk-o.

1 Korintus 11:32

Eke nit ninebe it aphe kweanmon ninim dambuksoho oag del ninaplug ninusuk nowen ulug, At Ninowe etnowen ninesanggo waroko motoho ninombisaharuk-o.

1 Korintus 15:31

Eke At Ninowe inuk suon Kristus Yesus etno inuk fam hit farim suontep naharukon etno halug, an nintul nantul waratuk ahi-o.

1 Korintus 4:9

Eke an nindi ebetuk ahion ari, nit At Allahen wene yig isil lawag ulug mondep nisaharision epmano it malaikat inim, eke it aphe kweanmon inim it obohen inilanggen nisawag ulug, it ap waramag ulug inawene baltuson epmano ilitoho, nit ninebe fobiksep nisaharisi-o, ulug nahla buruk ahi-o.

2 Korintus 11:6

Eke an nune yig hisiog ulug dulum dulum uruk ahi fuhon oke, yi angge di angge alem surukon epmano obog-at niluk-o. Eke nit yi angge di angge alem niniluk wilil suruk nisalug, hiren ap du yi angge di angge alem iniluk atisireg suruk-o, ulug hit hiniluk amag ulug nintul nantul suruk atukuk-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

2 Korintus 5:11

Eke At Ninowe ebe ninakoltoho welamon etno niniluk halug, it aphe obog At obam ebebukag ulug yig isaruk ahe-o. Eke At Allahen ninebe obog-at iluk wereg etno hag, hiren nit ninobabut surukon epmano hiniluk wereg ulug nahla buruk ahi-o.