2 Korintus 6:8 - Allah Wene Hurumbik Keron

⁸ Eke nit ninebe epmano it ap ninen suontep nisahakeg, dorontep nisahakeg, eke ninobam denggeleheg, eke it ninen fano suruk ulug inilanggen heheg, eke niren demat ulug uruk aheon etno inenggal uruk ulug yig niseheg suruk-o.

2 Korintus 6:8 ပူးပေါင်းရင်းမြစ်များ

Matius 27:63

yig ituk wilil, “Ninowe-o, At ap enggal urukon etnowen awan iluk wilil, ninggik henahanam welaruhukseg fam niluksoho minduhup nahaku-o ulug yig nisarision etno ninindi ebetuk ahe-o.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Kisah Para Rasul 24:5

Eke at ap du narlog harlog dag-at sil nuruk hehe-o. At ebe it Nasrani ap inowe wilil, it Yahudi ap o ahik ya da epmano heal inaptuk-o.

3 Yohanes 1:12

Ari halug, at Demetrius etno obabut fano-at wereg-o, ulug it obohen yig nituk-o. At obabut fano wereg ulug, Allah wene etnowen yig nituk-o. At obabut fano wereg ulug, anden ariroho demat ulug yig hituk ahi-o.

Ibrani 13:13

Eke At ebe etno lehet selema fil wereg ari fam, nit ninebe epmano At ambeg wilip atlug ninim ninenggali haruk amuk-o.

Roma 3:8

Eke ari halug, nit At Allahen fano ninabukag ulug dag-at suk-o ulug ukon ari fano buruk ahep ano? Ari eleg-o. Eke it aphe ninen at Paulus ariroho-at uruk-o ulug inenggal-at nobam denggeltuk-o. Eke it ariroho nobam denggeltukon epmano o dagma imbisahu ari fano at-o.

Kisah Para Rasul 22:12

Nombahik waharusareg weregma, o Damsyik epma ap misig inuk Ananias Allah wene holtug bilin wene duroho suruk amuk eke duroho suruk am fug ulug ebahon etno esanggo holtukmu, it Yahudi ap obohen ap du fano ulug uruk atuson etno nambeg waharisireg, yig nituk wilil, ‘Nomin Saulus wai. Hat hilanggen fenggen amin-o,’ ulug yig nituk atisimu, nilanggen fenggen atuk atikikseg, at ebe yetsoho weregma,

Kisah Para Rasul 16:39

Inakol haruk wilil, it Paulus Silas inambeg laruk atusareg, yig isaruk wilil, “Hit war hinabuk sohorep isawim, nit dag surukukseg fam kidia fanoroho wilip amiek-o,” ulug yig isaruk atusama,

Kisah Para Rasul 10:22

“At ninowe Kornelius lahap nisa waharisimu wahe-o. Eke at Kornelius ebe etno fano wilil, At Allah inuk suontepfurukmu, it Yahudi ap epmanowen ninomin ulug fog suruk-o. Eke at Kornelius etno Allah malaikat misihen yig ituk wilil, at Petrusen wene yig hiriog ulug hibam wamagsoho ayonggo lawag-o,” ulug Kornelius yig epahon etno At Roh Kudusen fobik Petrus yig epag.

Kisah Para Rasul 6:3

Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Kisah Para Rasul 5:13

Wonggalik laruk apagma, it selemon epmanowen ninim dambultulen inahla bebahon oke, inakolen bok apag.

Kisah Para Rasul 4:21

Yig isaruk apagma, it Yahudi ap inowesi suon epmanowen dahagsoho inesanggo watuk apareg, sohorep isebag ari, dahon etno keroho inobam umbuk ulug inapeleg atuken sohorep isebag.

Yohanes 7:12

Heaharuk iseheg, it yi aphe di aphe obog-at wonggalik wapahon etnowen At abug uruk wilil inune fog fog orog-at uruk apag. Ariroho uruk wilil, it ninen, “Ap ebe obabut fanowon-at hehe-o,” ulug uruk apag, eke it ninen, “Eleg-o, Aren aphe enggal-at yig isaruk-o,” ulug uruk apag.

Markus 12:14

Lahap isebahon epmano At Yesus ambeg waharuk apareg, yig ituk wilil, “Ninowe Yesus wai, Hat hobabut fano heyehe-o. It apheyen inahla burukon inim, eke ap misig suon ano doron ulug inahla burukon inim obog-at hahlahiroho wilil, honggarehen-at hakol elehepfulug selegmaroho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o. Ari halug, at Kaisar inowe inuk suon etnowen uang anggen og nimiek-o, ulug kino uruk halug, og imuk ano, sohorep isuk ano?” haren yig nisimin-o,

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Matius 10:25

Ari halug, it yig isarukon epmanowen an at ninowe yanggul nisarukon ilitoho welam nindi-o, ulug uruk am ari fa­no-o. Eke it anggimbu etnowen an nebe at ninikni ilitoho welam nindi-o, ulug uruk am ari fano at-o. Eke it inowe ari inuk Beelzebul-o ulug soaltuk isalug, at udaki ininuk da­hon-at soal inabuhu-o,” ulug At Yesusen yig isebag.

1 Timotius 3:7

Ap minduhupfukon etno aren surukon etno fam aphe selemonen at abug baleheg, enggali wareheg suruk elehon welamag-o. Eke bak helema waratuk etno hag, at iblis ahele etno fam anggolop keteroho walug la nowen-o. At ap minduhupfukon etnowen surukon it aphe selemonen dindiltuk wilil, ap ari obabut fanowon-o, ulug uruk isalug, ap etno-at minduhupfuk fano-o.

2 Korintus 1:18

Eke anden yig hisaruk wilil, nenggal inim demat inim yig hisarikik fug ari, At Allah iluk-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

2 Korintus 11:21

Eke nit ninenggali hawag ulug hit ariroho suruk amim hinoag elegsoho welatikip ulug yig nisahup ano? Eke at misihen suontepataruk halug, an ariroho-at urunanggeroho suontepatamin-o.

2 Korintus 12:16

Eke ari halug, an hit hinaharek epmano holarikik fug oke, eke it ap ninen at Paulus enggal-at yamintal neken suruk wilil, ninaharek holarisi-o, ulug uruk oke, anden maram hinaharek holarikik-o?

1 Tesalonika 2:3

Ariroho oag werehep nisaharisireg fam, wene ninenggal-at yig hiseheg, eke yamintal neken yig hiseheg suruk atukuk fug-o. Ariroho suruk eleg wilil, hinesanggo war hinaptuk atukuk-o.