2 Korintus 6:6 - Allah Wene Hurumbik Keron

⁶ Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

2 Korintus 6:6 ပူးပေါင်းရင်းမြစ်များ

Roma 12:9

Ariroho suruk wilil, hinomini hinim hinindi hunduhuk welahebon epmano nomin ulug hinuneyen hinenggal-at uruk am fug-o. Eke dag surukon epmano hinambit haruk wilil, fano suruk amon etno mutlug laruk amuk-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

1 Korintus 13:4

At misihen aphe inim indi hunduhuk wereg an indimu asine eleg wilil suruk-o. Eke indi sebereg wilil inim fano wereg-o. Eke inim indi hunduhuk wilil, aren uwa uruk eleg-o. Eke ebe suontepataruk eleg-o. Eke aren we yuhun-at suruk eleg-o.

1 Korintus 2:16

Eke Alkitab etno fam yig nisaruk wilil, “At Ninowe indi ebetukon etno ap sen iluk atisireg, misig inim yanggul iruhu-o?” Ari eleg-o. Eke nit hag At Kristus indi ebetukon etno nit ninindimu wereg-o.

1 Korintus 2:4

Eke ariroho wilil, it aphe ninindi wereg ulug inahla burukonen inune enggatoho uruk etno hag wene yig hisarikik fug-o. An Roh Kudus oag werehon etno fam hurumbik dindiloko yig hisiog ulug sirikik-o.

2 Korintus 1:23

Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.

2 Korintus 11:11

Eke an ariroho yig hisihi ari, keroho ulug yig nisehek buruk ahep-o? An ariroho yig hisihi ari nit ninebe indi hunduhuk eleg wilil yig nisehek buruk ahep ano? Eke anden hit hinebe nindi hunduhuk welahion etno At Allah iluk wereg-o.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.

2 Korintus 11:6

Eke an nune yig hisiog ulug dulum dulum uruk ahi fuhon oke, yi angge di angge alem surukon epmano obog-at niluk-o. Eke nit yi angge di angge alem niniluk wilil suruk nisalug, hiren ap du yi angge di angge alem iniluk atisireg suruk-o, ulug hit hiniluk amag ulug nintul nantul suruk atukuk-o.

2 Korintus 12:15

Eke ari halug, hit hinindi yabuk suhuken ulug an nebe og hisaruk wilil, nonggareg naharek fam-at onggo bal sahuk-o. Eke anden hit hinebe mondog nindi hunduhuk neyeheg, hiren an dorat hinindi hunduhuk welamuhup ano?

2 Korintus 13:10

Eke hit ariroho hinobabut fano mondog welamag ulug an nebe yatma wilil oke, holal du bal hisihi-o. Eke hit hinebe seberep hisahukon etno sohorep isalug, hinindi oag werehep hisahukag ulug At Allahen minduhup naharision oke, anden noag weregsoho winimug hisihi ha nowen ulug holal du bilin bal hisaruk ahi-o.

2 Korintus 2:10

Eke hiren ap misig dag sirision etno sohorep isalug, obam apelegsoho hinapma umburuk hisalug, anden arat obam apelegsoho napma imbirikik-o. Eke obam apelegsoho napma imbirikik ihi ari, At Kristus il fam hit hinake-at napma imbirikik-o.

2 Korintus 2:4

Eke anden bilin holal etno bal hisaruk wilil, nindi mondog dag aheg, eke ioba anggolo yareheg suruk wilil, bal hisarikik-o. Eke hit hinindi dahap siog ulug bal hisarikik fug-o. Anden hit obog nindi hunduhuk welahion etno hiniluk amag ulug bal hisarikik-o.

2 Korintus 3:3

Eke hinebe ninaholal baleg neken welahebon ari, At Kristusen baloko belap nisa waharisi-o. Eke ninaholal balehon ari helep fam ambusu watuk etno hag imbirisi fug-o. We ninaholal ari At Allah ilukon Roh Kudus etnowen aphe inindimu holal baleg etno imbirisi-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

2 Korintus 7:2

Niren yig hiseheon etno ebebuog ulug hinindi sok husig neken welamuk-o. Eke ap misig ninenggal-at obam denggeleheg, eke obabut indi arik sebeheg, eke ap misig ninalomnangge holeheg suruk atukuk fug-o, ulug ihion ari hit hinoag del hinabiog ulug yig hisihi fug-o.

Galatia 3:2

Ari halug, eke misig du yig nimiek-o, hit it Yahudi aben wene duroho suruk amuk eke duroho suruk am fug ulug ebahon etno ilitoho suruk hisalug, At Roh Kudus etno og hisarisi ano, eke wene fano wene etno hinesanggo holtug eberoko waruk hisalug og hisarisi ano?

Galatia 3:5

Eke At Allahen Roh Kudus etno og hiseheg, eke hinanggelegmen sukfugangge seheg suruk ari, it Yahudi aben wene duroho suruk amuk eke duroho suruk am fug ulug ebahon etno suruk hisalug suruk ano, eke wene fano wene etno hinesanggo holtug eberoko waruk hisalug suruk ano?

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 3:4

at Paulusen Kristus awene heraho welapahon etno duroho yanggul nisarisi-o ulug hinahla buhup-o.

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Efesus 4:32

Dag surukon obog sohorep isalug, hit hit hinune fanoroho eheg, eke nabua habua seheg, eke At Allahen At Kristus inuk fam hiren dag suruk atikibon epmano hinapelegsoho apma hinombisaharisi etno hag, hiren dag suruk ahebon epmano at misihen at misig dag surukon etno obam apelegsoho sohorep isalug apma embeheg suruk amiek-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 2:3

Aren yig nisebahon etno fam bilin At Allahen yi wene di wene iniluk amon dugsoho embebahon epmano bukaloko neken iniluk atuk-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

1 Tesalonika 2:10

Ariroho suruk atukukon etno hit hiniluk at-o, eke At Allah iluk at-o. Eke hit Allah wene waruk ahebon epmano hinim wilil, ninobabut fanoroho suruk wilil, dag seko hinombisahakeg eleg ninim welatukuk-o.

1 Timotius 4:12

Ariroho suruk healug, it apheyen, hat hebe doron atma, bok amin-o, ulug yig hum ari hai-o. Eke haren uruk ahenon etno inim, eke hobabut fanoroho suruk ahenon etno inim, eke aphe hinim hunduhuk welahebon etno inim, eke Allah wene demat ulug ebetuk wilil ilitoho suruk ahenon etno inim, it aphe obohen inilanggen healug, nit ari ilitoho suruk amuk-o ulug inahla bukagsoho suruk amin-o.

1 Timotius 5:2

Eke it hweap inanggohon epmano hisasi ilitoho yig isaruk amin-o. Eke it holani duhumon epmano hat haholani ilitoho yig isaruk amin-o.

2 Timotius 3:10

Eke hat hag, wene yanggul isaruk ahion etno inim, eke an sil nuruk ahion etno inim, eke ariroho suhuk ulug nahla buruk ahion etno inim, eke Allah wene demat ulug nahla ebetuk ahion etno inim, eke aphe winimug yig isaruk ahi fuhon etno inim, eke aphe ninim ninindi hunduhuk welaheon etno inim, eke dahon etno nobam umburukmu nahla bugsoho welahion etno inim, obog-at hiluk welahen-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Titus 2:7

Eke hat hag yiro­ho seheg diroho seheg fanoroho suruk healug, aphe inil og hap­tuk wereg-o. Iren fanoroho suruk amag ulug hat inim fanoroho suruk amin-o. Eke haren wene yanggul isaruk ahenon etno motoho yig isaruk amin-o. Ap inindi oag werehonen demat yig isaruk etno hag hat yig isaruk amin-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.