2 Korintus 6:5 - Allah Wene Hurumbik Keron

⁵ Eke it ninen yikangge war ninabeheg, eke aphe dahon imbisaruk ambeg epmano kolap nisahakeg, eke muko wilip nisahakeg suruk-o. Eke nit hag, nohuk sohorep isalug, eke yabuk sat anggolo seheg, eke yi angge di angge nenggeg eleg suruk ahe-o.

2 Korintus 6:5 ပူးပေါင်းရင်းမြစ်များ

Matius 14:10

Yig isaruk apagma, at Yohanes o aphe dahon imbisaruk ambeg epmanowen ungguluag balepfuruk apareg, eserangge fam enako walug hole etno og epag.

Matius 14:3

Ariroho yig isebag ari, bilin at inowe suon Herodesen Yohanes hele waroko it aphe dag surukon imbisaruk ambeg epma kolapfukag-o ulug yig isebag. Ariroho yig isebag ari, bilin at inowe suon Herodes etnowen alem at ot Filipus uhwe Herodias etno diloko weba­reg fam,

Matius 9:15

At Yesusen yig isaruk wilil, “Ap misihen hwe warision omini inim waharuson epmano inim wilil, inindi dag atuk buruk ahep ano? Ari eleg-o. Eke fobik at hwe holarision etno walug laruk aruhumu, omini inim waharuson epmano orom nenggeg eleg-at bok welamuhup-o.

Kisah Para Rasul 13:3

it etano orom nenggeg eleg wilil, inungguluag ininggik senoko sembahyang uruk apareg, lahap isebag.

Kisah Para Rasul 14:19

Sohorep isaruk apagma, it Yahudi ap o Antiokhia, o Ikonium epmanowen waharuk apareg, o Listra etno wapag. Waharuk apareg, aphe obog epmano dahal inaptuk wilil, at Paulus ebe helep fam warepfuruk apareg, ebe mondog waraha ulug inahla buruk wilil, lehet selema fil imbik wilip apag.

Kisah Para Rasul 14:23

it obog aphe inaso welamag ulug ap inaso werehon nin heako minduhup isil lebag. Minduhup isaruk apareg, orom nenggeg eleg wilil, At Allah obam ebetuk isaruk apareg, At Allahen inaso welamag ulug sembahyang ebag.

Kisah Para Rasul 17:5

Inim welatuson oke, eke it Yahudi aben inambit isaruk wilil, ap kimbu nin kwalemen wonggal inaptusareg, it aphe obog winimug aptuk amag ulug inindi kahal inaptusa. Inindi kahal inaptuk atusareg, it Paulus Silas etano heako og nisawag ulug at Yason ibam etno inasineyen sok halog suk hag kik harusa.

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 23:10

Uruk atusama, it epmano winimug anggolo uruk atusareg weregma, at Roma ap inowe suon etnowen at Paulus etno iren wabuk nowen ulug akol haruk atisireg, at osi epmano yig isaruk wilil, “Hit ap obog wonggaleheson du inambeg kuruk atlihipseg, at Paulus walug o nit ninibam oag werehon etno fam imbik manu-o,” ulug yig isarisi.

Kisah Para Rasul 23:35

at Gubernur etno esanggo holtuk atisireg, yig ituk wilil, “It hat hobam dahon denggeltukon epmano wamuhupmu, haren yig nitukmu nesanggo holuhuk-o,” ulug yig ituk atisireg, at osi etno yig isaruk wilil, “Ebe walug lalihipseg, at Herodes ibam etno imbik lalug aso welamuk-o,” ulug yig isarisi.

Kisah Para Rasul 24:27

Eke fobik it etano tahun biren welatusareg, at ap misig inuk Perkius Festus etno at Feliks ubulukmu Gubernur suon welamag ulug minduhupfuog ulug suruk iseheg, at Feliks etno it Yahudi ap inim dambuksoho welamag ulug at Paulus hele wareg-at sohorep isarisi.

Kisah Para Rasul 26:10

Ariroho sil nurukmu, eke it imam ap suon epmanowen fano at-o ulug yig nituk atusama, eke anden it aphe Allah udaki nin o aphe dahon imbisaruk ambeg epmano kolap inaptikik-o. Kolap inaptuk atikikmu, eke fobik iren At Yesus udaki epmano war inabuog ulug surukmu, anden war inabuk fano at-o ulug yig isarikik.

Kisah Para Rasul 26:29

at Paulus etnowen yig ituk wilil, “Wene etno yoho-at eberoko wamihin ano, fobik wahun ano, ulug an napelegma, hat hebe inim, eke hit obog nune holtuk ahebon inim, an Yesus wene warikikseg welahi etno hag hit ilitoho welamuhuben ulug At Allah obam nintul nantul sembahyang uruk ahi-o,” ulug yig isaruk atisireg, eke fobik yig isaruk wilil, “An yig hisihion epmano hele wareg welahi fug neken yig hisihi-o,” ulug yig isarisi.

Kisah Para Rasul 28:30

Wilip atuk atusama, eke at Paulus etno fobik ibam misig onggo umburuk atisireg, tahun biren wilil, it obog ha waharuson epmano heahi war inaptuk atisireg,

Kisah Para Rasul 5:18

hele waroko aphe dahon imbisaruk ambeg epmano kolap isebag.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 4:11

Eke kidia orom inim, ik inim obok haruk ahe-o. Eke ninasum libilihon-at wantaruk ahe-o. Eke ninebe yikangge waroko o misig ninombisahik laheg surukmu, ninibam faleg eleg-at welahe-o.

1 Korintus 7:5

Eke hit hinebe hinim nohuog ulug nambit hambit uruk am fug-o. Eke hit hinindi misig-at wilil, sembahyang ninakeleg siken uruk amuhuken, ulug o misihim hinebe hinakeleg sik welam fano-at oke, eke hinindi oag eleg neken wereg hisalug, at setan etnowen hinindi kahaluk nowen ulug fobik hinim dambuksoho welamuk-o.

2 Korintus 11:27

Eke an nebe yabuk angginon sat anggolo seheg, eke an nohukon etno sohorep isalug welaheg, eke naharom nahik obok heheg, hunik-at welaheg, eke nibam nowatke elegma sohik heheg, eke nasum elehen dahon-at wantoho neabie neken-at sil nuruk atikik-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Filipi 1:13

Eke an yi angge di angge nobam umburuson epmano fam it ap at Kaisar ibam aso werehon epmano inim, eke it nin epmano inim it obog-at, at Paulus ari At Kristus anggimbu halug hele waroko kolapfurusa-o, ulug iniluk atisi-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

2 Timotius 4:5

Ariroho suruk amuhubon oke, eke hat hag nintul nantul hindi aso fanoroho welamuk-o; eke wene fano wene yig isil larukon yabuk etno-at suruk amin-o; eke hat hebe At Allah anggimbu wilil yabuk fanoroho suruk heyeheg, it ninen dahon hobam umburuk isalug, hahla bugsoho welamin-o.

Ibrani 11:36

Eke it nin hag, apheyen inune dahon inobam embeheg, eke hele lambisog fam war inabeheg, eke aphe dahon imbisaruk ambeg kolap iseheg,

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

Ibrani 13:23

Eke at ninomin Timotius o aphe dahon imbisaruk ambeg epmanowen hele hibiloko wilipfurusa ari hit hiniluk amag ulug-at yig hisihi-o. Eke at etno ebe dulum-at waharuk halug, an ninim-at hinambeg bik hisa wamuhuk-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.