2 Korintus 6:18 - Allah Wene Hurumbik Keron

¹⁸ Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

2 Korintus 6:18 ပူးပေါင်းရင်းမြစ်များ

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Wahyu 1:8

Eke At Ninikni suon Allah etnowen uruk wilil, ‘An nebe alem neken enggabuk neken an-at welahi-o,’ ulug yig nisaruk ari, At bilin welapahon etno inim, kidia werehon etno inim, fobik welaruhuon etno inim At ebe misig-at wilil yig nisaruk-o,” ulug at Yohanes etnowen holal embebag.

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Efesus 1:5

Eke At Allah indi hunduhuken heako ninombisahabareg, At Yesus Kristus inuk fam At udaki inim welamon heako ninombisahiog ulug fuloko ninombisahabag-o. Ariroho fuloko ninombisahabag ari, At ahien haruk wilil, At akeleg-at ahla buruk apareg, fuloko ninombisahabag-o.

Wahyu 21:22

Nin eke At Ninikni Allah inim, At Amloho Wam Domba Udag etno inim o keron etno weregma, o Allah ibam etno nilanggen harikik fug-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.