2 Korintus 6:16 - Allah Wene Hurumbik Keron

¹⁶ Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

2 Korintus 6:16 ပူးပေါင်းရင်းမြစ်များ

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 6:24

At Yesusen yig isaruk wilil, ”Ap misihen ap biren inanggimbu welam ari hai-o. Misig nindi misig nambit-o, ulug misig ahengga senetuk wilil, misig sohorep isahu-o. Ari halug, At Allah inim, at Mamon ari uang anggen ulug werehon etno inim, it biren inanggimbu welam ari hai-o.

Lukas 5:36

Yig isaruk apareg, eke fobik At Yesusen wene ilitoho neken yig isaruk wilil, “Ap misihen sum amukon etno seleben siog ulug sum keron etno inim umburuk eleg-o. Ket yihikon etno wereg heheg, amuk yihikon etno libiloko amburuk wilil, fobik ele suon aruhu-o.

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 6:56

Eke it yi aphe di aphe epmanowen namep nenggeg, nebe nenggeg suruk wilil, inebe iniluk-at An nindimu wereg etno hag, An nebe niluk-at it inindimu welahi-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

Roma 9:26

Eke hinebe Allah udaki welahep fug ulug yig isaruk ambeg epmanowen At Allahen ilukon etno udaki welahep ulug yig isaruk amuhup-o,” ulug at Hosea etno yig epag.

1 Korintus 10:21

Eke hit At Ninowe amep honanggo etno nenggeg, eke monggat ahik honanggo nenggeg suruk am ari dag-o. Eke hit At Ninowe aharom esoho etno nenggeg, eke at monggat aharom esoho etno nenggeg suruk am ari hai-o.

1 Korintus 6:19

Eke At Allahen Roh Kudus etno og hisarisireg fam Roh Kudus etno hinindimu weregma, hit hinebe Roh Kudus etno ifaleg neken welahep ari, hit hinapeleg ano?

Efesus 2:20

eke it Allah wene yig isil lawag ulug mondep isebahon epmano inimen o andorli neken oag weregsoho embebag etno fam, At Kristus Yesus ebe-at o wut oag neken wereg heheg, hit epmano o hobat neken hinombisaharisi-o.

Efesus 2:22

Eke At Kristus hinim dambuksoho welahep etno fam, it Allah udaki obog epmano hinim At Allah ibam Roh Kudus wereg ambeg ulug fal hisaruk-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

1 Timotius 3:15

At Allah iluk werehon udaki etno ari wene demat urukon etno waruk wilil, o wut oag helep neken aplohok uruk elehon belabeg etno ilitoho wereg-o.

2 Timotius 1:14

Eke oag werehon etno og nisaruk halug, yi angge di angge fanowon og hitision etno fanoroho seneg welaruhun-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Ibrani 8:10

Yig isaruk wilil, “Fobik it Israel aphe ninim wene ariroho baltuk amuhukseg, ninim dambuluhuk-o. Eke Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o. Eke it epmano An nudaki wereg iseheg, Inikni Allah An-at welaruhuk-o.

Yakobus 4:5

Eke Alkitab fam weregma, yig nisaruk ari, “At Allahen ninindi og nisiog ulug, yi angge di angge nindi nindi urukon epmano inim-at og nisebag-o,” ulug wene holal embebahon etno ebe undama werehon hinahla buruk ahep fug ano?

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.

1 Yohanes 4:15

Eke it apheyen At Yesus ari Allah Amloho at-o, ulug eberoko urukon halug, Allah inindimu-at wilil, inim wereg-o.

Wahyu 2:1

Eke fobik an yig nituk wilil, “At it jemaat o Efesus aphe inaso werehon etno og emag ulug holal duroho imbimihin-o: Eke At Ninowe etno soholo­al sabiren angge inggik bikit filen senetuk wilil, eral fisako umburuk ambeg emas fam sehon inebe sabiren angge epmano inanggelegma bulmu werehon etnowen yig hisaruk wilil,

Wahyu 21:3

Nilanggen harikikseg weregma, une suon misig At horie uruk ambehen urukmu holtikik-o. Holtikikseg weregma, une etno­wen uruk wilil, “At Allah ibam aphe inanggelegma epmano ambehekseg fam, it inim inibam misig-at neken welamuhup-o. At udaki-at welamuhup-o. At Allah ebe it inim wilil, it Inikni-at welaruhu-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.