2 Korintus 5:9 - Allah Wene Hurumbik Keron

⁹ eke ninibam duma weregma ano, eke At ninim weregma ano, At etno ahien hawag ulug suruk ahe-o.

2 Korintus 5:9 ပူးပေါင်းရင်းမြစ်များ

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Kisah Para Rasul 10:35

Ariroho weregma, nit At ebe ninakoltoho wilil, fano mondog suruk nisalug, Aren nudaki ulug nit yi aphe di aphe kweanma werehon obog-at heahi war ninaptuk-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 14:8

Eke ninebe waratuk ahe epmano At Ninoweyen oag del ninabukag ulug-at waratuk ahe-o. Ari halug, niniluk welaheon inim, waratuk aheon inim, At Ninowe etnowen angge-at welahe-o.

Roma 15:20

Ariroho wene fano wene etno yig isil laruk wilil, it At Kristus inuk inesanggo holtuk eleg ambeg epmano-at yig isil larikik ari, ap misihen o andorli belabeg ambeg etno anden falihi ha nowen ulug, wene inapeleg ambeg-at yig isil larikik-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

2 Korintus 5:6

Ariroho og nisarisireg fam, nit ninindi oag weregsoho-at suruk ahe-o. Eke nit ninebe ninibam duma neken wilil, At Ninowe ibam etno awan ninim welahe fug ari niniluk-o.

2 Korintus 5:8

Eke ari halug, ninindi oag weregsoho-at wilil, nit ninebe ninibam duma neken welaheon epmano sohorep isalug, At Ninowe ibam epmano ninim welam ninindien suruk aheon oke,

Efesus 1:6

Eke At Allahen ninabua nisaruk wilil, At Amloho indi hunduhukon etno onggo eleg yuhun-at og nisebareg fam, At Allah wa ulug uruk wilil, inuk suontepfuruk amuk-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 4:11

Eke hinaplohok elegsoho bok welaheg, eke wene hiren angge etno-at eheg, eke hininggiken hineyabuk holeheg suruk amag ulug yig hisarukukon etno kidia dahagsoho yig hisaruk ahe-o.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

Ibrani 12:28

Eke nit hag At Allah apma welamon aplohok suk fuhon etno-at og nisaruk ari fam wa ulug uruk amuk-o. Ariroho uruk amuhuk ari, At Allahen ninabua nisaruk wilil, ahmu nisawag ulug ninindi seberoho wilil, ninakoltoho At Allah obam sembahyang uruk amuk-o.

Ibrani 4:11

Ari halug, nit ariroho At Allah ninim kelsaruk amuhuken ulug, fanoroho suruk amuk-o. Eke it epmano inesanggo fanoroho holuk sohorep isalug, kebag fug etno hag, nit ariroho kuk sohorep isehe ha nowen-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.