2 Korintus 5:14 - Allah Wene Hurumbik Keron

¹⁴ Eke at ap misig etno aphe obog inake-at warapag-o ulug ninahla buruk wilil, At Kristusen ninebe indi hunduhuk wereg etno fam ilitoho-at suog ulug suruk ahe-o. Eke At ebe nit aphe obog ninake warapag halug, nit obog At ninim waratuk soag-o.

2 Korintus 5:14 ပူးပေါင်းရင်းမြစ်များ

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Roma 5:15

Ariroho welapahon oke, it biren epmano ilitoho welapag fug-o. Eke at Adam etnowen dag sebahon oke, At Allahen ninabua nisaruk wilil, werlek-at onggo eleg og nisarukon ari inim ilitoho wereg eleg-o. Eke at ap misihen dag sebareg fam, it aphe obog-at waratuk apahon oke, At Allahen nit obog-at ninabua nisaruk wilil og nisarukon etno anggolo-at og nisaruk-o. Ariroho og nisaruk ari, At Allahen ap misig Yesus Kristus etno abua hebareg fam, nit obog ninabua nisarukon onggo eleg-at og nisaruk-o.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

2 Korintus 3:9

Eke wene etnowen aphe alem dahon inobam umburukon epmano suon neken-at welapahon oke, wene alem ninobam werehon elehap surukon etno hag mondog suon-at wereg-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

1 Timotius 5:6

Ariroho uruk amuhubon oke, at hwe suhweon indien bulug-at dahan fahan suruk wilil, ebe ilukon oke, warehon neken wereg-o.

1 Korintus 16:22

Eke at misig At Ninowe etno obam indi hunduhuk elehon halug, wene homali etno obam welamag-o. Eke At Ninowe wamon etno aso welamuk-o!

1 Timotius 2:6

Eke At Yesus ari nit yi aphe di aphe obog-at ninonggo warapag-o. Eke At etno bilin warapareg fam, At Allahen aphe obog ninili wiog ulug suruk-o, ulug niniluk atuk-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

Efesus 6:24

Eke hit obog nintul nantul At Ninowe Yesus Kristus hinindi mondog hunduhuk welahebon etno At Allahen hinabua hisawag ulug yig hisihi-o.

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

Lukas 15:24

Eke an namloho du bilin nuk atision ebe wareg neken eleg welatisireg, kidia iluk ahama, heag sihi-o,’ ulug yig isaruk atisimu, darlo suon etno narusa-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

2 Korintus 3:7

Eke wene duroho suruk amuk eke duroho suruk am fug ulug ebahon helep fam holal balehon etno At Allah abikag suruk wilil, at Musa og ituk apagma, abikag etno eleg amon oke, at Musa olohore abikag sebag etno fam, it Israel aphe epmanowen at Musa olohore bik hao hai apag-o.

Roma 2:2

Eke it dag surukon ari At Allahen inaren balepfulug dag seko imbisahu ari demat suhu-o ulug niniluk heheg,

Yohanes 5:25

Ari halug, An wene demat uruk amon etno misig yig hisamin-o. Kidia inim, fobik inim, it warehon epmanowen An Allah Amloho nune inesanggo holtuk isalug, iniluk mondog welamuhup-o.

Kisah Para Rasul 18:5

Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

Lukas 24:29

it etanowen yig ituk wilil, “Eleg-o, mo dobog uruk wilil, o arat hup ahareg fam ninim nohul-o,” ulug yig ituk apagma, inim nohuog ulug inambeg kebag.

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Kolose 3:3

Eke hit hinindi dahon At Kristus inuk fam sohorep isarikip halug, At Kristus hinim wilil, Allah apma-at welahep-o.