2 Korintus 5:13 - Allah Wene Hurumbik Keron

¹³ Eke nenek neken suruk ahe etno, At Allah ake-at suruk ahe-o. Eke nenek neken seheg eleg we fanoroho suruk ahe etno hit hinake-at suruk ahe-o.

2 Korintus 5:13 ပူးပေါင်းရင်းမြစ်များ

Markus 3:21

Ariroho urukmu, it ninen ap du nenek neken suruk hehe-o, ulug uruk apagma, At osi, isasi inim inesanggo holtuk apareg, ebe senebuog ulug lebag.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

2 Korintus 11:1

Eke an dot urunanggeroho neken yig hisihion oke, hiren hinune wiogsoho-at yig nemag ulug yig hisihi-o.

2 Korintus 12:11

Eke anden ariroho sukag ulug hiren yig nitikipmu, an suontepataruk wilil, urunanggeroho suruk ahi-o. Eke hiren an suontep nahalepmen fano. Eke an nebe noag elehon-at oke, it ap inenggal nit mondep nisahabahon-at welahe-o ulug urukon epmano suon-at ulug inapma welahi fug-o.

2 Korintus 12:6

Ariroho demat eleon oke, eke anden suontepatamin fug-o. Eke at ap misihen at Paulus etno suon at-o ulug ahla buk ari hai-o. We nebe neyeheg nune holeheg suluhen at Paulus ebe duroho wereg ulug ariroho yig num ari fano-o.

2 Korintus 7:12

Eke ari fam, anden holal bal hisarikik etno, at dag sirision inim, eke at dahon obam umburuson etno inim, alem ari farim yig hisarikik fug-o. Eke niren hit hinindi yabuk suruk wilil, yig hisarukukon etno hiren hinaborali elegsoho wilil ilitoho suruk ahebon etno At Allah il fam selegma amag ulug holal etno bal hisarikik-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.