2 Korintus 5:10 - Allah Wene Hurumbik Keron

¹⁰ Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

2 Korintus 5:10 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Wahyu 22:12

Ariroho yig nituk atisimu, eke fobik At Yesusen uruk wilil, “Hit hinesanggo fanoroho holtuk amiek-o. An wamon etno fanggog ehek-o. Eke it apheyen surukon epmano onggo ilitoho og isiug ulug walug waru­huk-o.

Efesus 6:8

Eke At Allahen it inanggimbu inim eke it iniknisi inim yabuk fanoroho suruk isalug, onggo fanowon og isahu-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

1 Petrus 4:5

Hinobam denggeltuk ari, fobik At Allahen it inilukon inim, warehon inim inaren baloko imbisahu etno iniluk heheg, fobik At Allah niren suruk aheon epmano keroho yig imuhuk-o? ulug inakolen suruk-o.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.

Roma 6:19

Eke hit hinindi fanoroho ebebukag ulug, nune it apheyen uruk etno hag-at yig hisihi-o. Eke o amuk dag-at suruk wilil, hit hinebe dag surukon epmano anggimbu neken welamuog ulug apma seberepataruk atikibon oke, kidia hag fanoroho-at suruk wilil, alem fanoroho surukon etno anggimbu neken welamuog ulug hit hinebe obogsoho apma seberepataruk amuk-o.

2 Korintus 7:3

Eke waramuog ulug inim, niniluk welamuog ulug inim, hit ninim welam ninindi hunduhuken uruk ahi-o, ulug yig hisarukukon etno fobik inim dahagsoho yig hisaruk ahi-o.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

Ibrani 9:27

Eke nit yi aphe di aphe obog epmano misihim-at waratuk nisalug, At Allahen oag deloko ninombisaharuk-o.