2 Korintus 5:1 - Allah Wene Hurumbik Keron

¹ Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

2 Korintus 5:1 ပူးပေါင်းရင်းမြစ်များ

Markus 14:58

Obam denggeluog ulug uruk wilil, “At etnowen o Allah ibam ap ininggiken falfahon du mialepfuhukseg, ninggik henahan welatlug ubulukmu it ap ininggiken faltuk etno hag faluhuk fug-o. Anden faluhuk ari akeleg neken-at faluhuk irisi-o,” ulug uruk apareg,

Kisah Para Rasul 7:48

Faloko embebahon oke, eke Allah Ninikni suon etno apheyen inibam hanteg etno hag, hanteg eleg-o, ulug eke at nabi ap etnowen yig isaruk wilil,

1 Korintus 3:9

Eke nit hag At Allah eyabuk ninim suruk aheon-at welahe-o. Eke hit Allah eyabuk inim, ifaleg inim hit-at welahep-o.

2 Korintus 4:7

Eke nit hag wene fanowon etno nit ninaharek onggo anggolo baltukon epmano neken walug laruk aheon oke, ninebe ari ik kobag neken oag elehon-at welahe-o. Eke ariroho welahe ari, nit hag ninoag eleg-o, At Allah-at oag wereg-o, ulug urukon etno selegma amag ulug ariroho welahe-o.

2 Korintus 5:4

Eke kidia ninibam sum fam falehon epmano wereg nisalug, angginon etno ninobam umburukmu, ea ulug uruk ahe-o, eke ninebe kweanmon epmano eleg amag ulug suruk ahe fuhon oke, eke nit ninebe boholmon etno og nisao ninindien suruk ahe-o. Ari halug, alem niniluk welamon etnowen alem waratuk aheon etno elegsoho umbuhu-o.

Kolose 2:11

Ari halug, hit it Israel ap suruk etno hag, hiniyunggul ambilik balfag fug-o. Hit hinindi dahon etno At Kristus inuk fam sohorep isawag ulug, hinindi ayeg waroko hinombisahabag-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

Ibrani 11:10

Eke inibam sum fam falfareg oke, o suon andorli oag weregsoho falegma welamon At Allah akelehen indi kahaloko faluhu ambeg epmano-at welamuhuk-o, ulug ahla buruk wilil, aso welapag.

Ibrani 9:11

Ariroho yig nisebahon oke, fobik At Kristus ebe etno Allah unde suon akeleg neken-at wapag-o. At ebe wapag ari, fobik yi angge di angge fanowon og nisahuon etno unde wilil wapag-o. Waharuk apareg, o aren yabuk suruk ambeg epmano suon fanowon-at wereg-o. Ariroho wereg ari, aben falehon neken wereg eleg-o, eke ebe yi angge di angge duma wal hebahon epmano ilitoho wereg eleg-o.

Ibrani 9:24

Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

1 Petrus 1:4

Nit ninebe ketoho ninombisahiog ulug weregma, fobik fanowon etno At udaki og nisahu ulug ninindi ebetuk ahe-o. Og nisahuon etno dag atlug, eleg am nowen ulug, o boholma dugsoho umburuk-o.

2 Petrus 3:11

Yi angge di angge obog ariroho-at eleg atuk halug, hit ap sandeg neken welamuhup-o?

1 Yohanes 3:14

Nit wareg neken welatukukon oke, kidia ninilukep nisaharisi-o; eke ninomini ninindi hun inaptuk ahe arien niniluk atuk-o. Eke at misig omini indi hun inaptuk elehon halug, wareg neken wereg-o.

1 Yohanes 3:19

Ari halug, demat wene etno ninindimu ebetuk ahe, ulug niniluk-o. Eke At Allah ninim uruk wilil, ninindi oag weregsoho uk fano.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.