2 Korintus 4:4 - Allah Wene Hurumbik Keron

⁴ Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

2 Korintus 4:4 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 12:35

Yig ituk apagma, eke At Yesusen yig isaruk wilil, “At o seleg etno hininggik dorat hinim welamuhup-o. Eke hit o hik ambeg epmano welahe ha etnowen ulug, o seleg etno mutlug laruk amuk-o. Eke it yi aphe di aphe nin o hikmu larukon epmano, epma laruk ahe ulug inapeleg-at wereg-o. Ari halug, hit At o seleg etno hinim wilil, At obam-at hinindi ebetuk amuk-o. Ariroho ebetuk hisalug, hit hinebe o seleg etno udaki-at welamuhup-o,” ulug yig isebag.

Yohanes 12:40

“It epmano inilanggen ha nowen ulug, At Allahen inilanggen buhep isarisi-o. Eke inindi ebebuk nowen ulug, inindi arikep isarisi-o. Ariroho sep isarisi ari, it inindi wereg atlug, At Allah ambeg haren fano ninabin-o, ulug yig irik wam nowen ulug ariroho sep isarisi-o,” ulug at Yesayaen ariroho ebag ari,

Yohanes 12:45

Eke it yi aphe di aphe obohen An inilanggen nearuk etno, At lahap nabik waharision etno inim-at inilanggen haruk-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 15:24

Eke Anden sukfugangge misig it apheyen inapelehon etno it aphe obog inil fam sele fugmen, nit dag suruk ahe ulug inapeleg-at welatlep-o. Ariroho inapeleg-at welatlebon oke, kidia hag Anden sukfuganggeroho suruk ahion epmano inilanggen haruk atusareg, An nebe inim, eke At An Nikni etno inim, inambit hun ninaptusa-o.

Yohanes 16:11

Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

Yohanes 8:12

Eke fobik At Yesus etnowen yig isaruk wilil, “It aphe kweanmon duma selehap inaptukon etno An at-o. Eke it yi aphe di aphe obog-at An mug naplug laruk etno fam, o seleg iniluk welamon etno holahupseg, o hikmu laruk amuhup fug-o,” ulug yig isebag.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 26:23

‘At Kristus obam dahon etno umbulug watuk amuhupmu, At Ninowe manggia etno it aphe warehon wereg ambehen iluksoho minatlug, it Yahudi ap inim, eke it Allah wene inapelehon inim obog-at ninili wawon wene etno yig isaruk aruhu-o,’ ulug hurumbik ebahon etno yig hisaruk ahi-o,” ulug at Paulusen yig isarisi. At Paulusen wene ariroho yig isaruk atisimu,

1 Korintus 10:20

Ari ebe eleg-o. Iren umburukon ari Allah ake ulug umburuk eleg-o. Eke hit epma monggat hinim welam ari nambit-o.

2 Korintus 2:11

Eke at iblis etnowen seberep nisahuk nowen ulug, at ap etnowen dag sirision etno sohorep isalug, obam apelegsoho napma imbirikik-o. Eke at iblisen ariroho sik ulug ahla burukon etno niniluk-at-o.

2 Korintus 2:12

Eke an hag o Troas epma Kristus awene fanowon etno yig isiog ulug arat larikikseg wilil, At Ninowe etnowen it etno wene inesanggo holukag ulug inindi fam sok husirisimu, harikik-o.

2 Korintus 3:11

Eke wene elamna welamon etno suon neken-at welapahon oke, wene itog mondog welamon etno hag mondog suon-at wereg-o.

2 Korintus 3:14

Ariroho suruk apareg fam, kidia it Yahudi aphe inahla burukon epmano sok lareg neken wereg-o. Eke at Musa olohore sum sambuntepatebag etno hag, it Yahudi ap kidia hurumbik amukon holal baleg etno wane suruk wilil sum sambunteg wereg etno fam inilanggen hupnig neken wereg-o. Ariroho wereg oke, At Kristus awene etno-at waruk isalug, sum sambunteg neken werehon etno eleg atuk-o.

2 Korintus 3:18

Eke ari halug, hit obog ninolohore sum sambunteg elehon neken wilil, At Ninowe suon abikag suruk wilil alon werehon etno wukahi fam haruk etno hag ninilanggen haruk ahe-o. Eke At Roh Kudus etnowen nit ninebe At Ninowe etno ilitoho seg amag ulug suontep nisaharuk wereg-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Efesus 6:12

Eke nit wim aptuk ahe etno aphe ninim aptuk ahe fug-o. Eke at setan etno inim, eke at omini inoag werehon boholmon epmano inim, eke it inowesi dahon o hikmu werehon epmano inim, it obog-at ninim wim aptuk ahe-o.

Filipi 2:6

Eke At Kristus ari Allah ebe neken-at wilil, an Allah ilitoho welamon etno nomat neken senetuk ahe-o, ulug indi ebepag fug-o.

Kolose 1:15

At Allah ninilanggen haruk ahe fuhon ahut etno At Kristus-at wereg-o. Eke yi angge di angge obog wal hebahon epmano At Amloho misig aron etno apma-at wereg-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 6:4

Eke it aphe Allah wene iniluk heheg, mondog sohorep isarukon ari, fobik inim ioba yatuk wilil, nit dag sehe ulug bukalukon etno hai aruhu-o. It aphe ariroho surukon epmano, bilin At Allahen o seleg etno og isarukmu, boholmen og isarukon etno inahientoho waruk isalug, At Roh Kudus etno inindimu kuruk atisi-o.

2 Petrus 1:19

Ariroho holtuk atukukseg, it nabien bilin hurumbik ebahon epmano ninindimu waruk ahe-o. Ninindimu waruk nisalug, hit ariroho-at waruk amuk-o. It nabi aben hurumbik ebahon epmano o seleg suon neken weregma, o hikmu seleg atuk etno ilitoho hinindimu selehap hinaptuk-o.

1 Yohanes 2:11

Eke ap misihen, “Nomin du nambit buruk ahi-o,” ulug urukon halug, o hikmu-at wilil, kema lahuk ulug apelegsoho wereg-o. O hikmu wilil, ilanggen buhap sik waharuk-o.

1 Yohanes 2:8

Eke wene yig hisaminon du akelehon, keron neken-at yig hisaruk ahi-o. Wene ari At Kristus etnowen demat ulug uruk wilil, ilitoho sebag etno hag, hit ariroho wene ari demat-o ulug uruk wilil, ilitoho suruk ahep-o. Ariroho suruk ahep ari, o hikmu etno eleg atuk heheg, o seleg etno arat wereg atuk-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.