2 Korintus 4:18 - Allah Wene Hurumbik Keron

¹⁸ Eke yi angge di angge ninilangge isaruk ahe fuhon etno hag huluog ulug ninahla buruk ahe-o. Eke yi angge di angge ninilanggen isaruk aheon ari fahe eleg atuk oke, yi angge di angge ninilanggen isaruk ahe fuhon ari initog mondog-at welamuhup-o.

2 Korintus 4:18 ပူးပေါင်းရင်းမြစ်များ

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

2 Korintus 5:7

Eke ariroho ninebe niniluk wilil og nisahuon etno ninilanggen haruk ahe fuhon oke, demat ulug ninindi ebetuk ahe-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

Ibrani 11:1

Eke yi angge di angge fanoroho suhu ulug ninahla buruk aheon epmano inim, yi angge di angge haruk ahe fuhon epmano inim, niren demat ulug ninindi ebetuk ahe etno fam obog-at niniluk atuk-o.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Ibrani 9:11

Ariroho yig nisebahon oke, fobik At Kristus ebe etno Allah unde suon akeleg neken-at wapag-o. At ebe wapag ari, fobik yi angge di angge fanowon og nisahuon etno unde wilil wapag-o. Waharuk apareg, o aren yabuk suruk ambeg epmano suon fanowon-at wereg-o. Ariroho wereg ari, aben falehon neken wereg eleg-o, eke ebe yi angge di angge duma wal hebahon epmano ilitoho wereg eleg-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.