2 Korintus 4:10 - Allah Wene Hurumbik Keron

¹⁰ Eke At Yesus wapag etno hag, ninebe war ninabuog ulug suruk ari fam, At etno iluk wereg-o, ulug selegma amag ulug ninebe niniluk welahe-o.

2 Korintus 4:10 ပူးပေါင်းရင်းမြစ်များ

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Roma 6:5

Eke At Yesus warapag etno hag ninim waratukuk halug, At ebe iluksoho minduhupfebag etno hag, nit ariroho ninim dambuksoho minduhup nisahaku-o.

Roma 6:8

Eke nit At Kristus ninim waratuk soag halug, nit At ninim-at niniluk welamuhuk ulug ninahla buruk ahe-o.

Roma 8:36

Eke at Alkitab wene holal baleg etnowen yig nisaruk wilil, “Nit hat hawene waruk nisalug, ilikia hupmu-at war ninabuog ulug suruk-o. Ariroho suruk wilil, wam domba war inabuog ulug suruk etno hag war ninabuog ulug suruk-o,” ulug wene holal baleg etno fam yig nisaruk oke, eke nit ninebe At indi hunduhuk welapahon etno ninim welahe ari fam nit ninebe ninoag weregsoho suon-at welamuhuk-o.

2 Korintus 1:5

Eke At Kristus obam dahon anggolo embebag epmano hag, ninobam umburukon oke, eke At Kristus ahlahiroho welapag etno hag, nit ninahlahiroho welamag ulug yig nisaruk-o.

2 Korintus 1:9

Ariroho wilil, it war amag ulug yig nisaruk neken ninahla buruk atukuk-o. Ariroho ninahla buruk atukukon oke, eke nit ninobam ebebuk sohorep isalug, At Allah aphe warehon inilukap inaptukon etno-at obam ebebukag ulug ariroho seg atisi-o.

2 Korintus 13:4

Eke At ebe oag elehon neken e fam lenggaloko embebagma warapahon oke, At Allahen oag werehon etno-at og epagma, ebe iluk wereg-o. Eke nit At Kristus ninim wilil, At il fam ninoag elehon-at oke, eke fobik hit hineyabuk suruk nisalug, At Allahen oag werehon etno og nisaruk aruhumu, At Kristus ninim niniluk-at welamuhuk-o.

2 Korintus 4:11

Eke nit ninebe niniluk wilil, At Yesus awene walug laruk aheon etno war ninabuog ulug surukmu, nit ninebe waramon oke niniluk atuk ahe etno fam At Yesus etno iluk wereg-o ulug selegma atuk-o.

Galatia 6:17

Eke an ap misihen enggal wene uruk halug, an nindi seneni anggolo ebebukag ulug fobik ariroho suk fug-o. Eke an At Yesus Kristus awene yig isarukmu, nowatusareg fam, At Yesus anggimbu ulug nobene nahambut wereg-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

2 Timotius 2:11

Eke wene du demat yig nisaruk wilil, “At ninim waratukuk halug, At ninim-at niniluk welamuhuk-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.

Wahyu 1:17

Nilanggen haruk atikikseg, an nebe ware­hon neken At iogmu bule ambirikik-o. Amburuk atikikmu, At ing­gik bikit fil nebe seberoho nombaharisireg, yig nituk wilil, ‘Hat hakol ha fug-o. An alem inim enggabuk inim unde werehon An at-o.