2 Korintus 3:9 - Allah Wene Hurumbik Keron

⁹ Eke wene etnowen aphe alem dahon inobam umburukon epmano suon neken-at welapahon oke, wene alem ninobam werehon elehap surukon etno hag mondog suon-at wereg-o.

2 Korintus 3:9 ပူးပေါင်းရင်းမြစ်များ

Roma 4:11

Ariroho inim dambultuk apareg, fobik-at iyunggul ambilik balfag-o. Eke at Abraham etno iyunggul ambilik awan baleg eleg wilil, At Allah obam ebetuk apareg fam, At Allahen ninim fanoroho welamuhuken ulug inim dambulfag-o. Ariroho ninim dambulehe ari demat-o ulug ahla bukag ulug iyunggul ambilik balfag-o. Eke it yi ap di ap iniyunggul ambilik baleg elehon epmanowen At Allah obam ebetuk isalug, aren ninim fanoroho welamuhuken ulug dambuk inaptukon etno at Abraham inikni neken wereg-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 15:41

Eke mo ilanggen akeleg-at, bikalem ilanggen akeleg-at, soholoal ilanggen akeleg-at wereg-o. Eke soholoal etno misig ilanggen doron, misig ilanggen suon wereg-o.

2 Korintus 3:8

Eke wene duroho suruk amuk eke duroho suruk am fug ulug ebahon war ninaptukon etno abikag suruk wilil og epag ari fam, At Roh Kudus eyabuk etno abikag suon-at suruk wilil, og nisarisi-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 3:10

Eke it obog Yahudi aben wene duroho suruk amuk eke duroho suruk am fug ulug ebahon etno suog ulug surukon ari wene homali neken inobam wereg-o. Eke ari halug, alem ari fam Alkitab etnowen yig nisaruk wilil, “It obog Yahudi aben wene duroho suruk amuk eke duroho suruk am fug ulug ebahon etno obogsoho suruk eleg isalug, wene homali etno inobam umburuk-o,” ulug ariroho yig nisebag halug, it aphe obog Yahudi aben wene duroho suruk amuk eke duroho suruk am fug ebahon etno ilitoho suruk isalug, etno fam At Allahen alem dahon inobam werehon epmano elehepfuhu fug-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.