2 Korintus 3:6 - Allah Wene Hurumbik Keron

⁶ Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

2 Korintus 3:6 ပူးပေါင်းရင်းမြစ်များ

Matius 13:52

Yig ituk apagma, Aren yig isaruk wilil, “Ari halug nomini-o. Hit wene unde neken welahebon ari, At Allah weregmen sukon etno hinindimu ebetuk hisalug, at ap ibam unde wereg etnowen o yi angge di angge umburuk ambeg etnowen keron inim, amukon inim walug waharukon etno hag hit ariroho-at welahep-o,” ulug yig isebag.

Matius 26:28

An namep it yi aphe di aphe anggolo epmanowen dag surukon etno inobam inapelegsoho sohorep isalug At Allah inim fanoroho welamag ulug dambuk hinaptuk ariog ulug An namep deloko wilip aruhuon etno ilitoho du at-o.

Markus 14:24

Naruk apagma, yig isaruk wilil, “It yi aphe di aphe At Allah inim fanoroho welamag ulug dambuk inaptuk ariog ulug An namep deloko wilip aruhuon etno ilitoho du at-o.

Lukas 22:20

Yig isaruk apagma, it epmano nebag. Arat naruk apagma, eke fobik ik honanggo etno ariroho-at og isaruk apareg, yig isaruk wilil, “Eke fobik hit hurumbik keron etno fam At Allah hinim dambuluhuben ulug, An namep hit hinake deloko umbuhuk etno hag, ambusu honanggo du ilitoho og hisaruk ahi-o,” ulug yig isebag.

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 3:20

Eke wene duroho suruk amuk eke duroho suruk am fug ulug ebahon etno ilitoho suruk ari fam ap misig At Allah il fam alem dahon obam werehon epmano elehepfuhu fug-o. Eke wene duroho suruk amuk eke duroho suruk am fug ulug ebahon etnowen it aphe obog dag suruk-o, ulug bukaloko yig nisaruk-o.

Roma 4:15

Eke wene duroho suruk amuk eke duroho suruk am fug ulug ebahon etno wereg halug, At Allah asine inobam umburuk-o. Eke komo wene yig isebahon etno eleg halug, alem dahan fahan suruk amon etno inim-at eleg atuk-o.

Roma 4:17

Eke Alkitab etno fam yig nisaruk wilil, “It o ahik ya da yi aphe di aphe obog-at inikni neken welamag ulug minduhup haharikik-o,” ulug yig epag-o. Eke at Abraham Allah obam ebepahon etnowen og hisahuk ulug ebag ari demat og nisahu-o. Eke At Allahen it warehon inilukep iseheg, eke yi angge di angge inebe elehon epmano wereg amag ulug une yig iseheg suruk ulug ninahla buruk ahe-o.

Roma 7:6

Eke it hweap inahuni waratukmu suhwe wereg etno hag, wene duroho suruk amuk eke duroho suruk am fug ulug ebahon etno fam hele war ninapahon etno ninim welam sohorep isarukuk-o. Eke ari halug, wene duroho suruk amuk eke duroho suruk am fug ulug ebahon wene holal balfahon etno alem amukon at-o ulug ninahla buruk wilil, anggimbu neken welam sohorep isalug, kidia At Roh Kudusen yig nisarukon etno hag alem keron at-o ulug anggimbu welahe-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

1 Korintus 11:25

Naruk apareg, fobik ambusu sohorluk fam hononggowon etno waruk apareg, og isaruk wilil, “Kidia An namep fam At Allah hinim dambuk hinabukon etno ebe du at-o. Ambusu ari naruk wilil, An nobam hinindi ebetuk amuhup-o,” ulug yig isebag.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

1 Korintus 15:45

Eke wene Alkitab holal baleg embebahon etno fam yig nisaruk wilil, “Eke at Adam bilinon etno ebe bilin wal hebareg, indi ilukon etno fobik og epag-o.” Eke At Adam fobikon etno At ahurangge fam aphe iniluk inaptukon-at wereg-o.

1 Korintus 3:10

Eke an At Allah indi hunduhuken og nepareg fam, ap indi enggaron o faltuk ilukon etnowen faltuk etno hag, anden o andorli belaptikik-o. Belapfuruk atikikmu, eke at ap misihen ari fam o ebe faltisi-o. Eke o andorli belaptukon etno inim, eke o faltukon etno inim it obog inakeleg inakeleg keroho faluk ulug inindi ebebukag-o.

1 Korintus 3:5

Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 3:14

Ariroho suruk apareg fam, kidia it Yahudi aphe inahla burukon epmano sok lareg neken wereg-o. Eke at Musa olohore sum sambuntepatebag etno hag, it Yahudi ap kidia hurumbik amukon holal baleg etno wane suruk wilil sum sambunteg wereg etno fam inilanggen hupnig neken wereg-o. Ariroho wereg oke, At Kristus awene etno-at waruk isalug, sum sambunteg neken werehon etno eleg atuk-o.

2 Korintus 3:3

Eke hinebe ninaholal baleg neken welahebon ari, At Kristusen baloko belap nisa waharisi-o. Eke ninaholal balehon ari helep fam ambusu watuk etno hag imbirisi fug-o. We ninaholal ari At Allah ilukon Roh Kudus etnowen aphe inindimu holal baleg etno imbirisi-o.

2 Korintus 3:7

Eke wene duroho suruk amuk eke duroho suruk am fug ulug ebahon helep fam holal balehon etno At Allah abikag suruk wilil, at Musa og ituk apagma, abikag etno eleg amon oke, at Musa olohore abikag sebag etno fam, it Israel aphe epmanowen at Musa olohore bik hao hai apag-o.

2 Korintus 3:9

Eke wene etnowen aphe alem dahon inobam umburukon epmano suon neken-at welapahon oke, wene alem ninobam werehon elehap surukon etno hag mondog suon-at wereg-o.

Galatia 3:21

Eke ari halug, wene duroho suruk amuk eke duroho suruk am fug ulug ebahon etno inim, eke At Allahen og hisahuk ulug abug yig nisebahon etno inim healeg neken wereg ano? Ari eleg-o. Eke komo yig nisebahon etno misig fam aphe niniluk amag ulug yig niselepmen, komo wene yig nisebahon etno ilitoho solomen etno fam alem dahon ninobam werehon epmano At Allahen elehepfelep-o.

Efesus 2:1

Eke hiren bilin yi dag di dag suruk wilil, hinebe warehon neken-at welatikip-o.

Efesus 2:5

Eke nit ariroho Allah wene ninesanggo holtuk eleg wilil ninebe warehon neken welatukukon oke, At Allah nit ninobam indi hunduhuk wilil ahmu nisaruk apareg fam, At Kristus ninim niniluksoho minduhup nisaharisi-o. Eke At Allahen hinabua hisaruk etno fam hinili warisi-o.

Efesus 3:7

Eke an wene yig isil lawag ulug noag weregsoho nombaharisireg, og nitisi etno fam wene fano wene etno anggimbu neken welahi-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Ibrani 7:22

Eke Anden Hat hitog mondog wilil nintul nantul Allah unde welaruhunen-o,” ulug yig hirihion ari sohorep isalug, fobik akelehon yig hiruhuk fug, ulug Allahen At inuk fam yig epagma, At Yesus wene hurumbik keron fanowon etno unde wereg etno fam, fobik demat suhu ulug ninahla buruk ahe-o.

Ibrani 8:13

Wene keron etno ariroho yig hisahuk ulug yig isebareg fam, At Allahen wene hurumbik amukon etno bilinon ulug sohorep isebag-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 1:1

Wene ninilukep nisaharukon etno yanggul hisiog ulug holal du balhisihi-o. Wene ari, o amuken welapahon etno eke kidia ninesanggo holtuk wilil, ninilanggen haruk ahe-o, eke At wene urukon ari ninilanggen harukuk-o, eke At ebe fag harukuk-o.