2 Korintus 3:12 - Allah Wene Hurumbik Keron

¹² Eke wene du itog mondog welaruhu ulug ninahla buruk ahe etno fam, ninakol elegsoho-at yig isaruk ahe-o.

2 Korintus 3:12 ပူးပေါင်းရင်းမြစ်များ

Yohanes 10:24

it Yahudi ap At ambeg wonggalik waharuk apareg, yig ituk wilil, “Hat wene herako-at yig nisaruk ahen du, o maram selegmaroho bukaloko yig nisahun-o? Ari halug, At Kristus waruhu ulug yig nisebahon, Hat-at halug, kidia bukaloko yig nisimin-o,” ulug yig epag.

Yohanes 16:25

Eke fobik At Yesusen yig isaruk wilil, “Anden yi wene di wene epmano nin ilitoho neken-at yig hisaruk atikikon oke, fobik wene ilitoho yig hisawon epmano sohorep isalug, An Nikni awene etno ebe demat surukon yig hisaruk aruhuk-o.

Yohanes 16:29

Yig isaruk apagma, eke it At omini epmanowen yig ituk wilil, “Hat kidia wene ilitoho neken yig nisawon etno sohorep isalug, wene ebe demat yig nisaruk ahen heyehe-o.

Kisah Para Rasul 14:3

Inindi kahaltuk apagma, it mondep isebahon epmano o epma ininggik anggolo inim wilil, At Yesus wene etno inakol elegsoho yig isebag. Yig isaruk iseheg, At Yesus etnowen iren urukon demat inahla bukag ulug inoag weregsoho imbisaruk apagma, elalintoho sukfugangge suruk apag.

Kisah Para Rasul 4:13

it Yahudi ap inowesi epmanowen uruk wilil, it Petrus Yohanes du sekolah inapelehon-at oke, inakol elegsoho yig nisaruk du bilin At Yesus omini-at welatusa-o, ulug inahla burukmu,

Kisah Para Rasul 9:27

Bok apareg weregma, at Barnabas etnowen walug it mondep isebahon epmano inambeg imbik lebag. Imbik laruk apareg yig isaruk wilil, “At Saulus kwalema weregma, At Ninowe etnowen yig itukmu harisi-o. Harisireg, fobik akol elegsoho wilil, o Damsyiken At Yesus inuk-at yig isaruk atisi-o,” ulug at Barnabas etnowen yig isebag.

Kisah Para Rasul 9:29

Yig isaruk wilil, it Yahudi ap inune Yunani une urukon epmano inim wene aptuk apareg, iren wabuog ulug sebag.

1 Korintus 14:19

Eke ariroho yig ituk ahion oke, o sembahyang fam it aphe yanggul isiog ulug inune werlekon fam wene yaron yig isao sohorep isalug, we inune inilukon fam wene horohon-at yig isao fano buruk ahi-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 3:11

Eke wene elamna welamon etno suon neken-at welapahon oke, wene itog mondog welamon etno hag mondog suon-at wereg-o.

2 Korintus 4:13

Eke Alkitab fam yig nisaruk wilil, “At obam ebetikikseg fam nune irikik-o,” ulug ebag etno hag nit ariroho At obam ebetuk ahe etno fam ninune uruk ahe-o.

2 Korintus 7:4

Eke anden yig hisawon etno demat suhup ulug bukaloko yig hisaruk wilil, suontep hisaharuk ahi-o. Eke dahon anggolo ninobam umburukon oke, hit farim ninindi werehepataruk wilil, ninahien anggolo haruk ahe.

Filipi 1:14

Eke an nebe hele wareg welahi etno fam, it ninomini At Allah obam ebetuk atusareg, inahla bugsoho wilil, inakol elegsoho-at wene yig isil nuruk-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Kolose 4:4

Eke an At Kristusen wene ebahon etno yig isarukmu sen naptusareg, aphe hele waroko kolap inaptuk ambeg epmano kolap naharusama, At Kristus inuk etno selemen motoho yig isaruk amag ulug an nake sembahyang uruk wilil, Allah kino yig ituk amuk-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

1 Timotius 3:13

Eke it yabuk surukon etnowen yabuk mondog fano suruk isalug, fobik it ininuk-at suontepfuhup-o. Eke At Ninowe Yesus Kristus awene demat ulug uruk aheon etno it duen fanoroho yig nisahup, ulug inindi ebetuk amuhup-o.

Filemon 1:8

Ari halug, anden At Kristus inuk fam ariroho siuk ulug yig hetleon oke,