2 Korintus 2:9 - Allah Wene Hurumbik Keron

⁹ Eke alem du fam holal etno bal hisarikik-o. Eke hit hag nintul nantul an nune ilitoho-at suruk ano? ulug hinaren baliog ulug holal etno bal hisarikik-o.

2 Korintus 2:9 ပူးပေါင်းရင်းမြစ်များ

2 Korintus 10:6

Eke hit hag hinesanggo fanoroho holtuk amuhupmu, it inesanggo holeg eleg welamuhubon epmano At Allahen onggo ninon-at og hisahu-o, ulug yig isahuk-o.

2 Korintus 2:3

Eke an nahien haruk nealug, hit obog hinahien haruk ahep etno demat ulug nahla buruk ahi-o.

2 Korintus 2:4

Eke anden bilin holal etno bal hisaruk wilil, nindi mondog dag aheg, eke ioba anggolo yareheg suruk wilil, bal hisarikik-o. Eke hit hinindi dahap siog ulug bal hisarikik fug-o. Anden hit obog nindi hunduhuk welahion etno hiniluk amag ulug bal hisarikik-o.

2 Korintus 2:8

Ariroho suruk hisalug, at etnowen, demat inindi nobam hunduhuk wereg-o, ulug ahla buruk amag ulug hiren suruk amon yig hisihi-o.

2 Korintus 8:2

Eke it epmano inindi kahaluog ulug dahon anggolo inobam umburuson oke, inahien anggolo haruk wilil, Allah ake ulug yi angge di angge anggolo umburusa-o. Ariroho umburusa ari, it inaharek dorat werehon oke,

2 Korintus 8:24

Eke ari halug, it inebe obog hinim hinindi hunduhuk neken welamuk-o. Ariroho wereg hisalug, it Allah udaki obohen hit hinaren surukon epmano iniluk atlug, niren suontep hisaharuk aheon etno demat urusa ulug inahla buhup-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

Filipi 2:22

Eke at Timotius etnowen yabuk fanoroho sirisi etno hit hiniluk-o. Eke at inim, an ninim ikni amloho neken wilil, wene fano wene yig isawon etno ninim dambuksoho urukuk etno hiniluk-o.

2 Tesalonika 3:14

Eke holal du fam yig hisaruk aheon etno ap misig esanggo holtuk eleg halug, ap etno enggali hawagsoho hiren ap du dag suruk-o, ulug enggali warepfeheg, eke ebe sohorepfiseheg suruk amuk-o.

Filemon 1:21

Eke an hinog yig hirihion etno aren ilitoho suhu ulug nahla buruk wilil, holal du bal hirihi-o. Eke yig hirihion etno inim, eke nin yig hituk ahi fuhon inim suhun ari an niluk-o.