Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korintus 2:3 - Allah Wene Hurumbik Keron

3 Eke an nahien haruk nealug, hit obog hinahien haruk ahep etno demat ulug nahla buruk ahi-o.

အခန်းကိုကြည့်ပါ။ ကော်ပီ




2 Korintus 2:3
17 ပူးပေါင်းရင်းမြစ်များ  

Eke hit nongge hinindien suruk ahep-o? An yikangge walug hinambeg wam hinindi ano, eke nindi hunduhuk wilil, seberoho hinambeg wam hinindi ano? Ari halug, hiren imig simiek-o.


Eke an ihion etno demat ulug nahla buruk wilil, hit ninim birenam ninahien hahuken ulug hinambeg bik hisa wamon etno nahla birikik-o.


Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.


Eke anden ariroho sukag ulug hiren yig nitikipmu, an suontepataruk wilil, urunanggeroho suruk ahi-o. Eke hiren an suontep nahalepmen fano. Eke an nebe noag elehon-at oke, it ap inenggal nit mondep nisahabahon-at welahe-o ulug urukon epmano suon-at ulug inapma welahi fug-o.


Eke an fobik hinambeg waruhukseg fam At Allahen hit hinanggelegma epmen seberep nahaku ari nambit-o. Eke it ap nin hinanggelegma werehon epmano bilin dag suruk wilil, wanggik seheg, eke dahan fahan seheg suruk atuson epmano sohorep iseheg eleg-at wereg isalug an ioba yaruhuk ari nambit-o.


Eke hit ariroho hinobabut fano mondog welamag ulug an nebe yatma wilil oke, holal du bal hisihi-o. Eke hit hinebe seberep hisahukon etno sohorep isalug, hinindi oag werehep hisahukag ulug At Allahen minduhup naharision oke, anden noag weregsoho winimug hisihi ha nowen ulug holal du bilin bal hisaruk ahi-o.


Eke alem du fam holal etno bal hisarikik-o. Eke hit hag nintul nantul an nune ilitoho-at suruk ano? ulug hinaren baliog ulug holal etno bal hisarikik-o.


Eke ari fam, anden holal bal hisarikik etno, at dag sirision inim, eke at dahon obam umburuson etno inim, alem ari farim yig hisarikik fug-o. Eke niren hit hinindi yabuk suruk wilil, yig hisarukukon etno hiren hinaborali elegsoho wilil ilitoho suruk ahebon etno At Allah il fam selegma amag ulug holal etno bal hisarikik-o.


Eke ari fam, hiren ariroho sirikip etno fam, yi wene di wene yig isarukmu, fanoroho-at inesanggo holuhup-o ulug nahla buruk wilil, nahien hisaruk ahi-o.


Eke At Allah ap inindi oag eleg isalug oag werehep isarukon etnowen at Titus ninambeg lahapfik waharisimu, ninindi oag werehep nisaharisi-o.


Eke anden holal etno bal hisarikikmu, hit hinindi dag atikibon oke, holal etno bal isao sohorep isawim sirikik ulug nahla buruk ahi fug-o. Eke holal bal hisarikikon etno fam hinindi dag atikibon etno arat niluk atisireg, nindi dag atleon oke, fano sirikik ulug nahien haruk ahi-o.


Eke ari halug, at ninomin etno it inim lawag ulug lahapfuruk ahe-o, eke at ebe lahapfehe ari, niren nintul nantul aren baltukukseg oke, obabut fanoroho yalmag inabukon-at harukuk-o. Eke kidia it fano suruk ulug hinabug esanggo holtuk atisireg, aren mondog yalmag hinabiog ulug suruk-o.


Eke an welahi etno hag, hit ariroho At Ninowe hinim welahep etno fam, hinindi dahan fahan ebebuhup fug ulug nahla buruk ahi-o. Eke at ap wene enggal-at yig hisarukon ari ap sa ulug inuk an napelehon oke, At Allahen iluk wilil, onggo etno demat obam umbuhu-o.


Eke niren yig hisaruk aheon ilitoho suruk ahep etno hag, fobik ilitoho suhup ulug At Allahen hit farim yig nisaruk-o.


Eke an hinog yig hirihion etno aren ilitoho suhu ulug nahla buruk wilil, holal du bal hirihi-o. Eke yig hirihion etno inim, eke nin yig hituk ahi fuhon inim suhun ari an niluk-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ