2 Korintus 13:5 - Allah Wene Hurumbik Keron

⁵ Eke hit hag, nit demat Yesus obam ebetuk ahe ano ulug hinonggarehen hinahla buruk wilil, hinaren bal saruk amuk-o. Eke hit hinobabut dag suruk eleg hisalug, At Kristus Yesus hinindimu wereg etno hit hinapelehen suruk ahep ano?

2 Korintus 13:5 ပူးပေါင်းရင်းမြစ်များ

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 15:4

Eke An hit ninim hunduhuk welamuhuk etno hag, hit An ninim hunduhuk welamuk-o. Eke e inggik misig kisiloko wilipfurukon etno akelehen anggen yihiruk eleg etno hag, hit An ninim hunduhuk eleg hisalug, anggen fanowon epmano yihikup fug-o.

Yohanes 17:23

Eke Hat An ninim welahe etno hag, An it ninim wereg nealug it obog inebe misig-at welamag ulug yig hirihi-o. Eke ariroho wereg isalug, it aphe kweanmon epmanowen inahla buruk wilil, At Allahen Amloho indi hunduhuk welatisi etno hag, udaki obog indi hunduhuk wereg-o. Eke At Yesus ari Allahen demat lahabik waharisi-o, ulug inahla buruk wilil iniluk amag ulug yig hirihi-o Nikni.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 6:56

Eke it yi aphe di aphe epmanowen namep nenggeg, nebe nenggeg suruk wilil, inebe iniluk-at An nindimu wereg etno hag, An nebe niluk-at it inindimu welahi-o.

Yohanes 6:6

At Yesus duroho simin ulug iluk wilil oke, at Filipus etno unema wiog ulug yig epag.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

Roma 8:10

Eke At Kristus hinindimu wereg halug, hinebe dag sirikibon epmano fam warehon neken welahebon oke, eke At Roh Kudus etno hinindimu wereg etno fam At Allah hinim welamuog ulug dambuk hinaptisireg, hinebe hiniluk-at welahep-o.

1 Korintus 11:28

Eke ari halug, bilin it apheyen inindimu surukon epmano bukalepatawag-o. Eke ariroho bukalepatalug, orom roti, ambusu honanggo epmano inim nao ari fano-o.

1 Korintus 11:31

Eke nit hag ninonggarehen oag del saruk atlomen, At Allahen oag del ninaplep fug-o.

1 Korintus 3:16

Eke hit hinebe At Allah ifaleg neken-at welahep oke, eke hit At Roh Kudus etno ninindimu wereg eleg buruk ahep ano?

1 Korintus 6:15

Eke hit hinebe epmano At Kristus ebe inggik iog neken welahep ari hit hiniluk-o. Eke ap misig At Kristus ebe atog neken werehon etno dikiksoho walug, hwe ap misig ohopfeheg sil nurukon etno inim hundubuk ari fano behep ano? Ari mondog hai-o.

1 Korintus 6:19

Eke At Allahen Roh Kudus etno og hisarisireg fam Roh Kudus etno hinindimu weregma, hit hinebe Roh Kudus etno ifaleg neken welahep ari, hit hinapeleg ano?

1 Korintus 6:2

Eke nit Allah udakion epmanowen it aphe kweanmon inoag del inabuhuk etno hinapelehen suruk ahep ano? Eke ari halug, hiren it aphe kweanmon epmano inoag del inabuhubon oke, keroho ulug alem doron epmano heahuk hinapeleg atuk ahep-o?

1 Korintus 9:24

Eke o buahen laruk ambeg epma it kwalema buahen larukon epmano obog-at buahen larukon oke, ap misig akeleg-at onggo holaruk ari hit hinapeleg ano? Eke ari halug, hit onggo fanowon epmano holahuken ulug buahen laruk amiek-o.

1 Korintus 9:27

Eke anden it ap nin wene yig isarikikon epmano onggo fanowon epmano og num sohorep nahuk nowen ulug an nebe seberepataruk wilil, at etno anggimburepatiog ulug suruk ahi-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 4:19

Ari halug, nudaki nindi hunduhukon wai. Eke hwe misig udag ahumlareg welatlug, udag ebe endetuk etno hag, At Kristus hit hinindimu welamag ulug, anden endag hinabiog ulug suruk ahi-o.

Galatia 6:4

Eke hit obog hinobabut suruk ahebon epmano inim-at fanoroho aso welamuk-o. Eke fanoroho suruk wilil halug, an fano welahi ulug hinahla buruk amuk-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 2:19

Ariroho hondorepfuruk ari At Kristus obam demat ulug ebebukon etno sohorep isalug wereg-o. Eke At Kristus ari ungguluag neken wereg heheg, eke it udaki epmano At ebe neken weregma, At Allahen ebe ari fanoroho su amag-o, ulug uruk halug, omanggen etno fam ebe su aheg, eke oag wereg aheg suruk-o.

Kolose 2:7

Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

1 Timotius 2:15

Ari halug, it hweap epmano inindi seberoho wilil, Allah wene eberoko weheg, eke aphe inim inindi hunduhuk welaheg, eke fanoroho seheg suruk wilil, inudaki endag inaptukmu, fobik inili wahu-o.

2 Timotius 3:8

Eke o amuk it Yanes Yambres etanowen at Musaen ebahon etno ninambit-o ulug seberepfebag etno hag, kidia it ap inindi elehon epmano wene demat urukon etno inapeleg wilil, wene etno ninambit-o ulug seberepfuruk-o.

Titus 1:13

Eke it inebe ariroho wereg isalug, haren hune oag weregsoho winimug yig isahun-o. Ariroho yig isahun ari Allah wene demat ulug inindi ebebukag ulug yig isahun-o.

Titus 1:16

Eke inuneyen nit At Allah ebe niniluk-o ulug urukon oke, eke iren surukon etno fam At Allah ebe inapeleg-at-o, ulug selegma atuk-o. Eke it epmano yi dag di dag seheg, eke Allah wene inesanggo holuk sohorep iseheg, eke fanoroho suruk amon etno inapeleg aheg suruk-o.

Titus 2:2

Eke it ap inanggohon epmano inindi aso fanoroho welamin-o. Inaso wilil, inakol hawon inim, inindi seberoho welamon inim, ap arion-at welamag ulug yig isaruk amin-o. Eke it inindi demat burukon etno inim, eke aphe inindi hunduhuk werehon etno inim, eke inindi oag wereg atlug inindi inahientoho welamon etno inim ariroho wela­mag ulug yig isaruk amin-o.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

Ibrani 4:1

Ari halug, At Allah ninim kelsaruk ambeg ninim kuhuk ulug ebahon etno nit-at hurumbik yig nisaruk-o. Eke hiren ap niron misig kirisi fug ehe ha nowen ulug hinakoltoho welamuk-o.

Ibrani 6:8

Eke kwean etno famen e dahon ayeg werehon etno inim, hohol angge inim wilip atuk halug, At Allahen kwean etno homali neken imbiog ulug suruk heheg, ebe hondoken elehepfuhu-o, ulug ariroho uruk aheon oke,

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

1 Petrus 5:9

Heag hinabil nuruk halug, Allah inuk waruk wilil, hat iblis hebe ulug yig ituk amiek-o. Ariroho sil nuruk wilil, it hinomini Allah udaki o kweanma werehon epmano obog at iblisen dahon inobam umburuk etno hit hiniluk-o.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.