2 Korintus 13:3 - Allah Wene Hurumbik Keron

³ Eke hiren at Paulus du Kristusen yig itukmu uruk ano ulug hit hiniluk amuhuken ulug hinog waruk ahep ari fobik hiniluk aruhu-o. Eke At Kristus etno hit hinahla epma wilil oag elegsoho suruk eleg-o, at mondog oag weregsoho-at suruk-o.

2 Korintus 13:3 ပူးပေါင်းရင်းမြစ်များ

Matius 10:20

Fobik hinonggarehen hinahla buhubon etno yig isaruk eleg heheg, At Hinikni Roh Kudus etnowen yig hisahuon etno-at yig isaruk amuhup-o.

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

1 Korintus 7:40

Eke an nahla buruk wilil, at hwe suhweon etno ariroho wilil ahien haruk aruhu-o, ulug ariroho nahla buruk ahi ari, an hag At Roh Kudus ninim welahe buruk ahi-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 10:4

Eke it wim aptuk wilil inasehen inasega holaruk epmano hag, nit it kweanmonen angge holaruk ahe fuhon oke, At Allahen oag werehon og nisarukon etno hag holaruk ahe-o.

2 Korintus 12:12

Eke hiren at Paulus demat wene yig isil nuruk amag ulug mondepfebag-o ulug hinahla bukag ulug, an nebe hit ninim nindi seberoho wilil, inakol hawon etno seheg, eke sukfuganggeroho seheg, eke elalintoho seheg suruk atikik-o.

2 Korintus 2:10

Eke hiren ap misig dag sirision etno sohorep isalug, obam apelegsoho hinapma umburuk hisalug, anden arat obam apelegsoho napma imbirikik-o. Eke obam apelegsoho napma imbirikik ihi ari, At Kristus il fam hit hinake-at napma imbirikik-o.

2 Korintus 2:6

Eke hit obohen ap etno onggo umbukag ulug yig itikipmu imbirisireg fam, kidia arat ehep-o.

2 Korintus 9:8

Eke hit yi angge di angge hinindi buruk ahebon epmano At Allahen obam seberoho og hisiog ulug iluk wereg-o. Eke hit hag yi angge di angge ilitoho wilil, it nin sumbut isaruk amag ulug obam seberoho og hisahu at-o.