2 Korintus 13:11 - Allah Wene Hurumbik Keron

¹¹ Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

2 Korintus 13:11 ပူးပေါင်းရင်းမြစ်များ

Matius 1:23

At nabi etnowen hurumbik yig isaruk wilil, ‘Hwe duhumon misig udag ahumla aruhuon etno du ha manu-o. Aren fobik udag etno ap angge-at enderuhumu, inuk Imanuel soaluhup-o.’ Eke, inuk ari, ‘Allah ninim welahe-o’ ulug soaluhup ulug at nabi etnowen ebahon etno yig hirihi-o,” ulug at malaikat etnowen Yusuf yig epag.

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Markus 10:49

At Yesus etno inim bok atuk apareg, uruk wilil, “Ebe wamagsoho wol iek-o,” ulug yig isaruk apagma, it aphe etnowen at Bartimeus etno yig ituk wilil, “Hat wol haptuk du, minamin-o. Minatuk apmihinteg hahientoho-at ma-o,” ulug wol haruk apagma,

Markus 9:50

Eke saho olokon etno ebe fano wereg oke, olok eleg atuk halug, keroho olokepfuk-o? Ari halug, saho olokon hinindimu wilil, hit hit hinim fanoroho dambulig welamuk-o,” ulug yig isebag.

Lukas 9:61

Yig ituk apagma, eke at ap misihen yig ituk wilil, “Nowe-o, an Hat ninim lahuk oke, bilin an nomini nune fag inabiog ulug lamin-o,” ulug yig epag.

Yohanes 17:23

Eke Hat An ninim welahe etno hag, An it ninim wereg nealug it obog inebe misig-at welamag ulug yig hirihi-o. Eke ariroho wereg isalug, it aphe kweanmon epmanowen inahla buruk wilil, At Allahen Amloho indi hunduhuk welatisi etno hag, udaki obog indi hunduhuk wereg-o. Eke At Yesus ari Allahen demat lahabik waharisi-o, ulug inahla buruk wilil iniluk amag ulug yig hirihi-o Nikni.

Kisah Para Rasul 15:29

Ariroho yig hisehereg fam, wam kwanangge anggom ulug waroko umburukon epmano na fug-o. Eke amep inim na fug-o. Wam amep eleg warehon na fug-o. Eke wanggik suk fug-o, ulug wene yig hiseheon du waruk wilil, hit hinebe fano-at welamag ulug yig hisehe-o.

Kisah Para Rasul 18:21

aren, “Eleg-o, At Allahen yig nituk halug, fobik hinambeg waruhuk-o,” ulug yig isaruk atisireg, o Efesus epmen ik so fam larisi.

Kisah Para Rasul 23:30

Eke fobik it Yahudi aben waroko umbuog ulug surukmu, nesanggo holtuk atikikseg, hat hambeg lahapfukon ulug nahla birikik-o. Eke it Yahudi ap epmano hag, hat hil fam obam denggelukag ulug yig isarikik-o, wa,” ulug holal baloko imbirisi.

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

Roma 12:18

Eke hit yi aphe di aphe obohen du suk fano ulug urukon etno-at suruk amuk-o. Eke hinobabut fano wilil, it yi aphe di aphe obog-at hinim dambuksoho welamag ulug suruk amuk-o.

Roma 14:19

Eke ari halug, ninebe obog fanoroho wilil, dambuksoho welamuhuken ulug nit nit ninindi oag werehepataruk amuk-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 15:33

Eke At Allah yi aphe di aphe dambuk ninaptukon etno hit obog hinim welamag ulug an demat yig hisihi-o.

Roma 16:20

Eke At Allah nit dambuk ninaptukon etnowen at iblis etno hiniog hendan bisalukag ulug dulum-at hinapma umbuhu-o. Eke At Ninowe Yesus etnowen hinabua hisaruk wilil hinim welamag ulug yig hisihi-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

2 Korintus 1:4

Eke dahon epmano ninobam umburuk isalug, Aren ninahlahiroho yig nisaruk wilil, yalmag ninaptuk etno fam, niren it nin dahon inobam umburuk isalug, inahlahiroho yig isaruk wilil, yalmag inaptuk ahe-o.

2 Korintus 13:9

Eke nit hag ninoag eleg, hit hag hinoag wereg halug, ari ninahien haruk ahe-o. Eke hit hag mondog hinindi oag wereg amag ulug hinake sembahyang uruk ahe-o.

Efesus 4:12

Eke ariroho minduhup isarisi ari, At Allah udaki epmanowen yabuk fanowon etno suruk amag ulug yanggul iseheg, eke it At Kristus ebe neken werehon epmano inoag werehep iseheg suruk amag ulug minduhup isarisi-o.

Efesus 4:3

Eke At Roh Kudus etnowen dambuksoho hinombisaharuk halug, hinebe misig-at welamuk-o.

Efesus 6:23

Eke At Ninikni Allah inim, eke At Ninowe Yesus Kristus inimen hinomini obog dambuksoho hinindi hunduhuk welamon etno inim, eke wene eberegsoho warukon etno inim, obog-at og hisawag ulug yig hisihi-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 3:16

Ariroho yanggul hisahuon oke, eke bilin Allah wene etno fam motoho larukuk etno hag, fobik ilitoho-at lahuk ari fano at-o, nomini.

Filipi 4:2

Eke hit Euodia, Sintikhe At Allahen yig nisaruk etno ilitoho hinindi misig-at wilil hit nehe hehe neken welamuk-o.

Filipi 4:4

Eke At Allahen og hisaruk etno fam hinindi hinahien haruk amuk-o. Eke hit hinindi hinahien haruk amag ulug misihim inim dahagsoho yig hisaruk ahi-o.

Filipi 4:9

Eke an nuneyen yig hisaruk wilil, dahan fahan seheg eleg ilitoho suruk atikik etno hag, hit ariroho yanggul hisaruk wilil yig hisarikikon etno dahan fahan seheg eleg ilitoho-at suruk amiek-o. Ariroho suruk hisalug, At Allah ninebe dambuk ninaptukon etno hinim welamuhup-o.

1 Tesalonika 3:10

Eke ari halug, nit inim-at it Tesalonika ap inambeg mondep nisahakun ano, eke it Tesalonika ap Allah wene iniluk amon etno anggolo og isimin-o, ulug sembahyang uruk ahe-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 4:18

Ninowe etno ninim welamuhuk ulug hinahla buruk wilil, hit hit hinesanggo wataruk amuk-o.

1 Tesalonika 5:13

Eke hiren it inobam hinindi hunduhuk wilil, iren nit nineyabuk fanoroho suruk-o, ulug ininuk suontepfuruk amiek-o. Eke hit it hinomini hinim fanoroho dambuksoho welamuk-o nomini.

1 Tesalonika 5:16

Eke hit nintul nantul hinahien haruk amuk-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

2 Tesalonika 3:1

Nomini-o, At Allah wene hit hinanggelegmen su atisi etno hag, o ahik ya da obog wawag ulug ninake sembahyang iuk-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

2 Timotius 2:22

Eke ari halug, it udag elege yuhun-at sil nurukon epmano sohorep isalug, fanoroho surukon etno inim, eke wene demat ulug ebetukon etno inim, eke aphe hinindi hunduhuk welamon etno inim huliog ulug suruk amin-o. Ariroho suruk wilil, it aphe inobabut fanowon epmanowen, “Hat Ninowe yalmag ninabin-o,” ulug urukon etno hinim fanoroho welamuk-o.

Ibrani 12:14

Eke hit it yi aphe di aphe obog hinim dambuksoho welamuhuben hinobabut fanoroho-at suruk amuk-o. Hinobabut fanoroho suruk amuhup fug halug, At Ninowe etno hinilanggen hahup fug-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Yakobus 1:4

Eke hinahla fanoroho wilil, fobik hit hinobabut fanoroho welamuhuken ulug, hinindimu fanoroho ebetuk amuk-o.

1 Petrus 3:11

Hiren dag surukon sohorep isaruk wilil, fanoroho suruk amuk-o. Aphe hinim fanoroho hinindi hunduhuk welamuk-o. Ariroho hinim fano wilil, hinahientoho welamuhup-o.

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

Wahyu 22:21

Ari halug, At Ninowe Yesus etno ahien nit obog ninobam umbukag ulug yig hisihi-o arat. Amin.