2 Korintus 11:7 - Allah Wene Hurumbik Keron

⁷ Eke anden At Allah awene fanowon etno yig hisaruk wilil, onggo og nemag ulug yig hisarikik fug-o. Hit hinebe etno-at suon amag ulug an hag seberepatarikik ari dag neken sirisi ulug buruk ahep ano?

2 Korintus 11:7 ပူးပေါင်းရင်းမြစ်များ

Kisah Para Rasul 20:33

Eke anden ap misihen angge perak, emas, sum, onggo ulug holarikik fug-o.

Kisah Para Rasul 20:34

An ninggik fam yabuk surukmu, onggo og nituson etno fam an nomini ninim ninaharom onggo baltikik etno hit hiniluk-o.

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

1 Korintus 9:12

Eke it ap werlekonen, hinaharek menag nisimiek-o ulug yig hisaruk isalug, eke nit epmanowen, hinaharek menag nisimiek ulug yig hisao hai buruk ahep ano? Eke niren, hinaharek menag nisimiek, ulug yig hisolowon oke, yig hiseheg eleg-at welatukuk-o. At Kristus awene fanowon etno olohotma sok larehe ha nowen ulug nit yi angge di angge obok heheg oke, kino uk sohorep isarukuk-o.

1 Korintus 9:6

Eke an, at Barnabas ninim nineyabuk nininggik fam suog ulug ninakeleg-at wereg buruk ahep?

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 10:16

Eke ari halug, wene fano wene etno hit hinambol fil epma yig isa lahuk-o. Ariroho yig isa lahuk ari, ap misihen yabuk sirision etno farim anden sirikik ulug suontepatahuk fug-o.

2 Korintus 12:13

Eke an alem misig sirikikon fam hiren nobam napelegsoho hinapma nombahuog ulug suruk ahep ano? Eke hiren it aphe demat ulug ebetukon ninon hag inindi yabuk anggolo seheg, eke nit hag ninindi yabuk dorat seheg suruk atisi buruk ahep ano? An ariroho sirikikon etno onggo og nemag ulug yig hisarikik fug ari hiren nobam napelegsoho hinapma nombahiek-da. Eke an hiren og nemag ulug wene misig ari yig hisarikik fug-o. Ariroho yig hisarikik fug ari fam hiren nobam napelegsoho hinapma nombahuog ulug suruk ahep halug siek-da.

2 Korintus 2:12

Eke an hag o Troas epma Kristus awene fanowon etno yig isiog ulug arat larikikseg wilil, At Ninowe etnowen it etno wene inesanggo holukag ulug inindi fam sok husirisimu, harikik-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

2 Tesalonika 3:8

Eke at ap misihen yi angge di angge og nisarukmu, niren onggo eleg yuhun-at holarukuk fug-o. Eke ariroho holarukuk fureg, yabuk sat anggolo suruk atukuk-o. Eke ilikia hupmu yabuk suruk atukuk ari, hat misihen nit ninabuen yi angge di angge og nisa nowen ulug suruk atukuk-o.