2 Korintus 11:6 - Allah Wene Hurumbik Keron

⁶ Eke an nune yig hisiog ulug dulum dulum uruk ahi fuhon oke, yi angge di angge alem surukon epmano obog-at niluk-o. Eke nit yi angge di angge alem niniluk wilil suruk nisalug, hiren ap du yi angge di angge alem iniluk atisireg suruk-o, ulug hit hiniluk amag ulug nintul nantul suruk atukuk-o.

2 Korintus 11:6 ပူးပေါင်းရင်းမြစ်များ

1 Korintus 1:17

Eke anden aphe ikma belap inaptuk amag ulug At Kristusen lahap nabik wapag ari eleg-o. Wene fano wene etno-at yig isaruk aruhunen ulug lahap nabik wapahon oke, at e fam lenggaloko embebahon wene etno it inahlahairepfuk nowen ulug, it ap inindi werehonen inune uruk epmano hag yig isarikik fug-o. At Yesus Kristus inuk fam wene oag werehon etno-at yig isaruk ahi-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

1 Korintus 2:13

Eke At Allahen og nisebahon etno ari, it aphe ninindi wereg ulug inahla burukon epmanowen inune enggatoho neken yig isaruk etno hag yig isaruk ahe fug-o. Eke it aphe Roh Kudus inindimu werehon epmano wene demat urukon etno yanggul isaruk wilil, At Roh Kudusen yanggul nisarukon etno-at uruk ahe-o.

2 Korintus 10:10

Eke it ap ninen uruk wilil, “At Paulusen holal og nisaruk wilil, une winimug neken fanggogsoho-at yig nisaruk oke, at ebe ninim wilil oag elehon neken une seberoho yig nisaruk-o,”

2 Korintus 12:12

Eke hiren at Paulus demat wene yig isil nuruk amag ulug mondepfebag-o ulug hinahla bukag ulug, an nebe hit ninim nindi seberoho wilil, inakol hawon etno seheg, eke sukfuganggeroho seheg, eke elalintoho seheg suruk atikik-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

2 Korintus 5:11

Eke At Ninowe ebe ninakoltoho welamon etno niniluk halug, it aphe obog At obam ebebukag ulug yig isaruk ahe-o. Eke At Allahen ninebe obog-at iluk wereg etno hag, hiren nit ninobabut surukon epmano hiniluk wereg ulug nahla buruk ahi-o.

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

2 Korintus 7:2

Niren yig hiseheon etno ebebuog ulug hinindi sok husig neken welamuk-o. Eke ap misig ninenggal-at obam denggeleheg, eke obabut indi arik sebeheg, eke ap misig ninalomnangge holeheg suruk atukuk fug-o, ulug ihion ari hit hinoag del hinabiog ulug yig hisihi fug-o.

Efesus 3:4

at Paulusen Kristus awene heraho welapahon etno duroho yanggul nisarisi-o ulug hinahla buhup-o.