2 Korintus 11:32 - Allah Wene Hurumbik Keron

³² Eke bilin o Damsyik etno wereg neyeheg, at inowe Aretas ot suon etnowen an nebe sen nabukon etno wilip am nowen ulug at osi epmano o lehet wal kiko minduhup isarisi-o.

2 Korintus 11:32 ပူးပေါင်းရင်းမြစ်များ

2 Korintus 11:26

Eke o ahik ya da larukmu, iken og nabiog ulug seheg, eke it kwalema dil dil angge surukon epmanowen war nabuog ulug seheg, eke it Yahudi ap inim, it Allah wene inapelehon etno inimen nowabuog ulug seheg, eke o ahik sumu aphe anggolo wereg ambeg epmen nowabuog ulug seheg, eke o limu aphe eleg ambeg epmen wamen libil nabiog ulug seheg, eke ik suon laut etnowen sebel nabiog ulug seheg, eke it ninen nit hat homini welahe inenggal-at yig nereheg, suruk iseheg sil nuruk atikik-o.

Kisah Para Rasul 9:2

yig ituk wilil, “Nowe-o, an it Yahudi ap o Allah wene uruk ambeg o Damsyik etno laminen holal baloko og nimin-o. O epma it aphe Allah wene iniluk amon warukon etno heag inabil laruk aruhukseg, ap inim, hweap inim hele waroko og inaplug o Yerusalem niog suhuluk waruhuk-o,” ulug yig epag.

Kisah Para Rasul 9:8

Inilanggen heheg eleg-at weregma, at Saulus etno kweanmen minatuk apareg, fobik ilanggen fenggen ariog ulug bug apag. Ilanggen bug atuk apagma, inggik senoko walug o Damsyik etno imbik wapag. Imbik wapagma wilil, ilanggen fenggen aheg eleg hupnig mondog welapag.

Kisah Para Rasul 9:10

Ariroho weregma, eke ap Allah wene warukon misig inuk Ananias o Damsyik welapag. Epma wilil, i noho firin firin neken At Allahen, “Ananias wai,” ulug yig itukmu, eke aren yig ituk wilil, “Nikni-o, an nebe duma welahi-o,” ulug yig ituk apagma,