2 Korintus 11:3 - Allah Wene Hurumbik Keron

³ Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

2 Korintus 11:3 ပူးပေါင်းရင်းမြစ်များ

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Roma 12:8

Eke nineyabuk aphe inindi oag werehep isawon etno og nisarisi halug, etno ilitoho-at suruk amuk-o. Eke yi angge di angge menag isaruk amon etno, ninindi seberoho-at wilil, menag isaruk amuk-o. Eke aphe inindi aso welamon etno yabuk ninarug fanoroho-at suruk amuk-o. Eke it aphe inabuen surukon epmano ninindi ninahientoho-at suruk amuk-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

2 Korintus 11:20

Eke it ap ninen inanggimburep hisaharukon epmano inim, eke it ap nin inaharek anggolo amag ulug hinim dahan fahan suruk ahebon epmano inim, eke hinaharek diloko neken warukon epmano inim, eke hinebe seberep hisaharukon epmano inim, eke hinolohotma biso hinaptukon epmano inim, obog-at fano ninim welamuhuken ulug yig isaruk ahep-o.

2 Korintus 11:29

Eke it inoag elehon wereg oke, an hag mondog noag elehon-at welahi-o. Eke at ap misig dag suruk halug, an mondog nambit haruk ahi-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Galatia 1:6

Wi, an hit keroho wereg ulug nahla buruk ahi-o. Eke hit At Kristusen hinabua hisarukmu wol hisarision etno dulumsoho sohorep isalug, wene akelehon-at mutlug laruk ahep-o.

Galatia 2:4

Eke it ninen inenggal-at iyunggul ambilik balukag ulug uruson epmanowen nit Allah wene waruk aheon at-o, ulug it Allah udaki epmano inim herako neken dambuk atusa-o. Eke it dambuk atuson epmano inilanggen yenal wuog ulug kik waharusareg, it ap du Kristus wene waruk wilil, it Yahudi aben ariroho siuk ulug wene ebahon etno ilitoho suruk eleg ari keroho ulug suruk-o, ulug ninebe it inanggimburep nisahuog ulug waharusa-o.

Galatia 3:1

Hit Galatia ap urunangge du wai. Hit wene demat uruk ahebon etno hinapeleg amag ulug at sen enggal-at yig hisarisi-o? Eke At Yesus Kristus e fam lenggaloko warepfebahon etno hinil fam fikfag yangguloko yig hisarusa fug ano?

Galatia 4:11

Eke an hag nit hinindi yabuk werlek-at sirikik ulug an nakol haruk ahi-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Efesus 6:24

Eke hit obog nintul nantul At Ninowe Yesus Kristus hinindi mondog hunduhuk welahebon etno At Allahen hinabua hisawag ulug yig hisihi-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

Kolose 2:4

Ari halug, ap urunangge neken sil nurukon misihen wene fanowon du at-o ulug hinindi kahalik wam nowen ulug an wene du yig hisaruk ahi-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

1 Tesalonika 3:5

Eke anden it o Tesalonika epma Allah wene warukon etno keroho waruk ulug nahla buruk wilil, at Timotius etno hinambeg lahapfik waharikik-o. Eke at iblisen hinindi kahalik waharukmu, niren hinindi yabuk surukukon etno eleg atisi ano ulug nahla buruk wilil, at Timotius lahapfik waharikik-o.

1 Timotius 1:3

Nomin-o, an bilin o Makedonia liog ulug yig hitikik etno ilitoho, kidia o Efesus welamag ulug yig hituk ahi-o. Eke o epma it aphe ninen inenggal wene yig isaruk halug, haren winimug isaruk amuk-o.

1 Timotius 2:14

Eke at iblisen Adam indimu kahalik wapagma, dag sebag fug-o. At hwe etno hag iblisen indimu kahalik wapagma, At Allahen yig isebahon, etno inapeleg atlug dag sebag-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

Titus 1:10

Eke it nin hag, inindimuen an suon ulug buruk wilil, an-at niluk-o, ulug yig iseheg, eke it aphe nin inindi kahaleheg suruk-o. Eke it bilin Yahudi ap wela­pahon epmano ariroho suruk-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

2 Petrus 3:17

War inabuhu oke, eke hit nomini, holal du bal hisihion etno fam arat hiniluk aha-o. Ari yig hisihi ari, it inenggal wene urukon epmanowen hinindi kahaltukmu bule ambulug watehep ha nowen ulug yig hisihi-o, nomini. Ari hit hinindi yaharoho welamag ulug yig hisihi-o.

2 Petrus 3:3

Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Wahyu 12:15

Lenggaliog ulug suruk atisi­mu, at walo elmen ik suon misig larukon etnowen hwe etno walug lawag ulug wilipfirisi-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 20:2

Ariroho nilang­gen harikikseg weregma, eke fobik at malaikat etnowen walo amukon inuk misig Iblis, eke inuk misig Setan soalehon etno ebe inggik senetuk atisireg, seribu tahun welamag ulug hele waroko imbirisi-o.