2 Korintus 11:23 - Allah Wene Hurumbik Keron

²³ Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 11:23 ပူးပေါင်းရင်းမြစ်များ

Kisah Para Rasul 14:19

Sohorep isaruk apagma, it Yahudi ap o Antiokhia, o Ikonium epmanowen waharuk apareg, o Listra etno wapag. Waharuk apareg, aphe obog epmano dahal inaptuk wilil, at Paulus ebe helep fam warepfuruk apareg, ebe mondog waraha ulug inahla buruk wilil, lehet selema fil imbik wilip apag.

Kisah Para Rasul 20:23

Eke an o ahik ya da sil nuruk neyeheg, At Roh Kudusen yig nituk wilil dahon hobam hombahalug, o it aphe dahon imbisaruk ambeg epma kolap hahakup ulug hurumbik yig nitisi-o.

Kisah Para Rasul 21:11

Ninambeg waharuk atisireg, at Paulus aserlog holaruk atisireg, inggik iog homag sarisi. Homag saruk atisireg yig isaruk wilil, “An At Roh Kudusen yig nituk-o. Ap aserlog du unde etno anden niog homag sihi du ilitoho, fobik it Yahudi aben o Yerusalemen hele waroko it ap Allah wene inapelehon epmano og isahup-o,” ulug yig nisaruk atisimu,

Kisah Para Rasul 25:14

Waharuk atusareg, ininggik dorat inim weregma, at Festus etnowen at Paulusen ebahon alem etno Raja inuk Agripa etno yig ituk wilil, “Ap misig at Feliksen hele watision etno duma wereg-o.

Kisah Para Rasul 27:1

Eke fobik it ninen og ninaplug o Italia wamag ulug wene baltuk atusareg, at Paulus inim eke it nin hele warehon epmano inim, at Yulius it Roma ap Kaisar inowe sehen senehon misig etnowen og ninaplug wamag ulug og itusa.

Kisah Para Rasul 28:16

Eke fobik o Roma kota suon etno waharuk atukukseg wilil, at Paulus ap sehen senehon misihen aso welamag ulug ibam akelegma imbik larusa.

Kisah Para Rasul 28:30

Wilip atuk atusama, eke at Paulus etno fobik ibam misig onggo umburuk atisireg, tahun biren wilil, it obog ha waharuson epmano heahi war inaptuk atisireg,

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Roma 8:36

Eke at Alkitab wene holal baleg etnowen yig nisaruk wilil, “Nit hat hawene waruk nisalug, ilikia hupmu-at war ninabuog ulug suruk-o. Ariroho suruk wilil, wam domba war inabuog ulug suruk etno hag war ninabuog ulug suruk-o,” ulug wene holal baleg etno fam yig nisaruk oke, eke nit ninebe At indi hunduhuk welapahon etno ninim welahe ari fam nit ninebe ninoag weregsoho suon-at welamuhuk-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 3:5

Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

1 Korintus 4:1

Eke it aphe epmanowen nit farim uruk wilil, “At Kristus anggimbu wilil, wene At Allah indimu heraho welapahon etno bukaloko yig nisarukon inebe du at-o,” ulug it apheyen ariroho nisawag-o.

1 Korintus 4:11

Eke kidia orom inim, ik inim obok haruk ahe-o. Eke ninasum libilihon-at wantaruk ahe-o. Eke ninebe yikangge waroko o misig ninombisahik laheg surukmu, ninibam faleg eleg-at welahe-o.

1 Korintus 4:9

Eke an nindi ebetuk ahion ari, nit At Allahen wene yig isil lawag ulug mondep nisaharision epmano it malaikat inim, eke it aphe kweanmon inim it obohen inilanggen nisawag ulug, it ap waramag ulug inawene baltuson epmano ilitoho, nit ninebe fobiksep nisaharisi-o, ulug nahla buruk ahi-o.

2 Korintus 10:7

Eke hit hag yi angge di angge inahap selemon epmano-at hinilanggen haruk ahep-o. Eke at ap misihen an Kristus amloho-at welahi-o, ulug ahla burukon hinanggelegma epma misig wereg haruk ahep ano? Eke ari halug, onggarehen indi fobik inim ebetaruk amag-o. Eke at ebe Kristus amloho wereg etno hag, nit At Kristus udaki-at welahe-o.

2 Korintus 11:5

Eke it epmano inenggal uruk wilil, nit hag mondep nisahebahon-at welahe-o, ulug urukon epmano it suon, an doron ulug nahla buruk ahi fug-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

2 Korintus 4:11

Eke nit ninebe niniluk wilil, At Yesus awene walug laruk aheon etno war ninabuog ulug surukmu, nit ninebe waramon oke niniluk atuk ahe etno fam At Yesus etno iluk wereg-o ulug selegma atuk-o.

2 Korintus 6:9

Eke nit ninebe epmano inapeleg neken wereg oke, it obohen iniluk wereg-o. Eke ninebe warehon neken welaheon oke, niniluk-at weregma nisaruk ahep-o. Eke ninebe hele war ninaptukon oke, binggi war ninaptuk eleg-o.

Galatia 6:17

Eke an ap misihen enggal wene uruk halug, an nindi seneni anggolo ebebukag ulug fobik ariroho suk fug-o. Eke an At Yesus Kristus awene yig isarukmu, nowatusareg fam, At Yesus anggimbu ulug nobene nahambut wereg-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 6:20

Eke an nebe kidia hele wareg welahion oke, wene fano wene etno yig isil lawag ulug mondep naharisi-o. Eke anden wene yig isawon etno nakol elegsoho yig isaruk amag ulug hiren nake sembahyang uruk amuk-o.

Filipi 1:13

Eke an yi angge di angge nobam umburuson epmano fam it ap at Kaisar ibam aso werehon epmano inim, eke it nin epmano inim it obog-at, at Paulus ari At Kristus anggimbu halug hele waroko kolapfurusa-o, ulug iniluk atisi-o.

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

2 Timotius 1:16

Eke at Onesiforus omini inim epmano At Allahen inabua hawag ulug an inake sembahyang uruk ahi-o. At Onesiforus etno an nabua haruk wilil, at Paulus hele wareg wereg ulug akol eleg-at wilil,

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

2 Timotius 3:11

Eke o Antiokhia inim, o Ikonium inim, eke o Listra inim dahon mondog nobam umburukmu welatikik etno hiluk-o. Eke iren dahon etno nobam umburuson oke, At Allahen nili warisi-o.

Filemon 1:9

eke hat ninim nindi hunduhuk wilil, we hinog neken yig hituk ahi-o. Eke an Paulus At Yesus Kristus awene yig isarukmu hele war naptuson epmanowen hinog bilin irikikon etno farim yig hituk ahi-o.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.