2 Korintus 11:13 - Allah Wene Hurumbik Keron

¹³ Eke it nit mondep nisahabahon at-o, ulug urukon ari, inenggal-at nit nineyabuk du at-o, ulug uruk wilil, At Kristus omini mondep isebahon epmano ilitoho welamuog ulug inobabut akelehon neken suruk-o.

2 Korintus 11:13 ပူးပေါင်းရင်းမြစ်များ

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.

Filipi 3:2

Eke it ap dag surukon epmanowen yangge neken wilil, hiniyunggul ambilik balsaruk amiek-o, ulug urukon etno yaharoho welamiek-o.

Galatia 1:7

Eke wene ari ebe eleg oke, eke it ninen hinindi kahalik waharuk wilil, Kristus wene fano wene du at-o, ulug yig hisarukon oke, ebe ninon-at uruk-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

Galatia 2:4

Eke it ninen inenggal-at iyunggul ambilik balukag ulug uruson epmanowen nit Allah wene waruk aheon at-o, ulug it Allah udaki epmano inim herako neken dambuk atusa-o. Eke it dambuk atuson epmano inilanggen yenal wuog ulug kik waharusareg, it ap du Kristus wene waruk wilil, it Yahudi aben ariroho siuk ulug wene ebahon etno ilitoho suruk eleg ari keroho ulug suruk-o, ulug ninebe it inanggimburep nisahuog ulug waharusa-o.

Kisah Para Rasul 20:30

Inindi kahalik wamuhupmu, it ap nin hiron-at waharuk amuhupseg, it Allah udaki epmano inindi kahalukag ulug inenggal wene yig hisa wamuhup-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

Kolose 2:4

Ari halug, ap urunangge neken sil nurukon misihen wene fanowon du at-o ulug hinindi kahalik wam nowen ulug an wene du yig hisaruk ahi-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

2 Korintus 11:15

Eke at iblis etno ariroho obabut akelehon neken suruk halug, it aphe at anggimbu epmano at alem motoho surukon etno anggimbu neken welamuhuken ulug inobabut akelehon neken suruk-o. Ariroho suruk oke, fobik onggo ilitoho-at og isahu-o.

Wahyu 2:20

Ari halug, alem misig du fam-at hinesanggo warik-o. Ari at hwe Isebel etnowen An At Allahen lahap nabik waharisi-o ulug urukon etno hinim-at welahep-o. Eke it nanggimbu epmano wanggik seheg, eke wam uson nenggeg suruk amag ulug at hwe etnowen yanggul isaruk wilil, inindi kahalik waharuk-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

Galatia 6:12

Eke it ap ninen nit-at suon welamuhuken ulug yi angge di angge eleg atukon etno farim, hiren suruk amag ulug hit hiniyunggul ambilik baliek ulug inenggal neken yig hisaruk-o. Eke ariroho yig hisaruk ari, At Kristus e fam lenggaloko embebagma, warapahon wene etno farim it Yahudi aben dahon etno ninobam umbuk nowen ulug wene ariroho yig hisaruk-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Kisah Para Rasul 15:24

Eke hit epmon ap misig misig iren uruson etno fam hinindi kahaltusa ulug ninesanggo holtukuk ari, niren yig isarukukmu urusa fug-o.

Galatia 4:17

Eke it aphe inenggal yig hisarukon epmano yamintal-at hinindi kahaluog ulug suruk-o. Eke ariroho suruk ari, an hit ninim healeg welamag ulug suruk-o. Healeg wilil, hiren it inawene etno-at mutlug lawag ulug yig hisaruk-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

Kisah Para Rasul 15:1

Fobik it ap nin o Yerusalemen Antiokhia waharuk apareg, o epma it aphe Allah wene warukon epmano yig isaruk wilil, “At Musaen hinudaki iniyunggul ambilik baliuk ulug yig isebahon etno baltuk eleg hisalug, fobik hinili wahu fug-o,” ulug yig isaruk apagma,

Matius 25:24

Yig ituk apagma, eke fobik at anggimbu seribu og epahon etno kuruk apareg, yig ituk wilil, ‘Nikni-o, hat hobabut hasine welahen ari an niluk-o. Ari halug i yag sarikin fug ambeg epma-at ebe bal seheg, eke i kililtikin fug ambeg epma-at anggen bal seheg suruk ahenon hiyihi-o.

Filipi 3:18

Eke bilin nintul nantul yig hisaruk atikikon epmano ioba yatuk wilil kidia dahagsoho yig hisamin-o. Eke it nin inobabut dahan fahan suruk wilil, At Kristus nit ninake e fam lenggaloko warepfebahon etno inim healeg neken wereg-o.