2 Korintus 11:11 - Allah Wene Hurumbik Keron

¹¹ Eke an ariroho yig hisihi ari, keroho ulug yig nisehek buruk ahep-o? An ariroho yig hisihi ari nit ninebe indi hunduhuk eleg wilil yig nisehek buruk ahep ano? Eke anden hit hinebe nindi hunduhuk welahion etno At Allah iluk wereg-o.

2 Korintus 11:11 ပူးပေါင်းရင်းမြစ်များ

2 Korintus 12:15

Eke ari halug, hit hinindi yabuk suhuken ulug an nebe og hisaruk wilil, nonggareg naharek fam-at onggo bal sahuk-o. Eke anden hit hinebe mondog nindi hunduhuk neyeheg, hiren an dorat hinindi hunduhuk welamuhup ano?

2 Korintus 7:3

Eke waramuog ulug inim, niniluk welamuog ulug inim, hit ninim welam ninindi hunduhuken uruk ahi-o, ulug yig hisarukukon etno fobik inim dahagsoho yig hisaruk ahi-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.

Ibrani 4:13

Ariroho suruk heheg, alem misig At Allah ilanggen ha nowen ulug herahapfuk ari hai-o. Yi angge di angge obog wal hebahon epmano At il fam selegma mondog wereg-o. Ariroho wereg famen, niren suruk aheon epmano At Allah il fam obog-at bukaluhuk-o.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

Kisah Para Rasul 15:8

Eke At Allahen yi aphe di aphe inindi ebetukon epmano iluk wilil, bilin nit Roh Kudus og nisarisi etno hag, it Allah wene waruk elehon inindi fano inabukag ulug Roh Kudus og isarisi-o.

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

2 Korintus 11:10

Eke alem ari fam suontepataruk ahion ari it Akhaya aphe obog ari ilitoho-at yig isahuk. Ariroho yig isahuk ulug an At Kristus inuk fam demat yig hisaruk ahi-o.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.