2 Korintus 11:10 - Allah Wene Hurumbik Keron

¹⁰ Eke alem ari fam suontepataruk ahion ari it Akhaya aphe obog ari ilitoho-at yig isahuk. Ariroho yig isahuk ulug an At Kristus inuk fam demat yig hisaruk ahi-o.

2 Korintus 11:10 ပူးပေါင်းရင်းမြစ်များ

Kisah Para Rasul 18:12

Yanggul isaruk atisireg weregma, eke fobik at Galio etno o Akhaya it Roma aphe inowe suon minduhupfuruk atusama, it Yahudi ap balusik waharuk atusareg, at Paulus etno senoko at Galio apma imbik waharusa.

Kisah Para Rasul 18:27

Yanggul ituk atusama, at Apolos o Akhaya lahuk ulug ahla buruk atisimu, it omini o Akhaya werehon epmanowen, “At Apolos ninambeg waruhumu, heahi wabuhuken,” ulug holal baloko lahap isarusama, at ebe inambeg waharisi. Waharuk atisireg, it bilin At Allahen inabua isalug wol inaptisimu, Allah wene eberoko waruson epmano inindi oag wereg amag ulug yi wene di wene obog-at yig isarisi.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 16:5

Eke Allah udaki it inibam epma sembahyang uog ulug wonggaltukon epmano inim-at heahi war inaptuk amuk-o. Eke at an nomin nindi hunduhukon inuk Epenetus bilin o Asia epmen Kristus awene eberoko warision etno inim,

Roma 9:1

Eke anden At Kristus inuk fam yig hisamin ari, nenggal imin fug-o. Eke an nindimuen demat bukag ulug At Roh Kudus etnowen henggal uruk ahen ulug yig nituk eleg-o.

1 Korintus 16:15

Eke at Stefanus omini epmano inim inobabut fanowon etna hiniluk-o. It epmano o Akhayaen bilin At Allah wene warusareg, it Allah udakion epmano fanoroho inaso wereg-o, nomini.

2 Korintus 1:1

An Paulus At Allah ahla buruk apareg, At Yesus Kristus awene yig isil nuruk amag ulug mondep naharision etno inim, eke at ninomin Timotius etno ninimen, hit Allah udaki o Korintus inim eke o Akhaya obog welahebon etno holal du bal hisehe-o.

2 Korintus 1:23

Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.

2 Korintus 10:15

Eke ari halug, nit ninowalangge etno-at wereg heheg, it ap ninen yabuk suruson epmano farim du niren surukuk ulug suontepataruk ahe fug-o. Eke hit hinanggelegma epmen Allah wene etno su atuk halug, At Allahen ninowalangge og nisarisi etno hag hinanggelegma epmen yabuk suon misig suhuken ulug ninahla buruk ahe-o.

2 Korintus 11:12

Eke it ap ninen nit mondep nisahabahon at-o ulug suontepataruk wilil, iren nit at Paulusen yabuk suruk etno ilitoho-at suruk ahe-o, ulug ariroho uk nowen ulug an kidia suruk ahi etno hag ilitoho-at suruk aruhuk-o.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

2 Korintus 12:19

Eke ariroho yig hisehe ari, dahon inobam wilil, nit ninil fam elehepfuog ulug suruk buruk ahep ano? Ari eleg-o. Nit ninebe At Allah il fam wilil, At Kristusen yig nisarukmu neken obog-at yig hisaruk ahe ari, hit hag hinindi werehep hisahuog ulug-at suruk ahe-o, nomini.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

Galatia 1:20

Eke an nenggal ihi fug-o, ari At Allah il fam demat yig hisaruk ahi-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

1 Tesalonika 2:10

Ariroho suruk atukukon etno hit hiniluk at-o, eke At Allah iluk at-o. Eke hit Allah wene waruk ahebon epmano hinim wilil, ninobabut fanoroho suruk wilil, dag seko hinombisahakeg eleg ninim welatukuk-o.

1 Tesalonika 2:5

Eke hit hinahien nisawag ulug yuhun-at nit ninune fanoroho yig hisa waharukuk fug etno hit hiniluk-o. Eke ninaharek anggolo amag ulug ninune fanowon ninenggal-at yig hisaruk atukuk fug etno At Allah iluk-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.