2 Korintus 11:1 - Allah Wene Hurumbik Keron

¹ Eke an dot urunanggeroho neken yig hisihion oke, hiren hinune wiogsoho-at yig nemag ulug yig hisihi-o.

2 Korintus 11:1 ပူးပေါင်းရင်းမြစ်များ

Matius 17:17

Yig ituk apagma, At Yesusen yig isaruk wilil, “Nomini-o, hit An ninim welaheon oke, hinindi dahon wilil fikfag ebereheg eleg sil nuruk ahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, ap etno yig ituk wilil, “Udag ari walug nambeg dia ma-o,” ulug yig ituk apareg, setan etno winimug yig ituk apagma, wilip apag.

Kisah Para Rasul 18:14

at Paulus etnowen awan iog ulug surukmu, at Galio etnowen it Yahudi ap yig isaruk wilil, “At ap duen dag suon suruk atlepmen, hit Yahudi aben dahon obam embehebon etno demat ulug an nesanggo holte-o.

Kisah Para Rasul 26:29

at Paulus etnowen yig ituk wilil, “Wene etno yoho-at eberoko wamihin ano, fobik wahun ano, ulug an napelegma, hat hebe inim, eke hit obog nune holtuk ahebon inim, an Yesus wene warikikseg welahi etno hag hit ilitoho welamuhuben ulug At Allah obam nintul nantul sembahyang uruk ahi-o,” ulug yig isaruk atisireg, eke fobik yig isaruk wilil, “An yig hisihion epmano hele wareg welahi fug neken yig hisihi-o,” ulug yig isarisi.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 3:18

Eke hit hinonggareg hinune hinenggal-at hinobam ombataruk am fug-o. Eke ap misig hit hinim welahebon etnowen, “Ap o kweanma nindi werehon an-at welahi-o,” ulug indimu ebetuk halug, ap etno demat indi wereg amag ulug bilin ebe kimbu neken welamag-o.

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

1 Korintus 4:8

Eke hit hinebe yi angge di angge obog arat holarikip-o. Eke hit hinaharek arat anggolo atisi-o. Eke nit ariroho eleg niseheg, hit epmano hinune ap suonen uruk hag uruk atikibon oke, eke hit hinebe demat ap suon ilitoho welatlepmen, nit ninim hunduhuk wilil ninune it ap suonen uruk hag uruk atlo-o.

2 Korintus 11:19

Eke hit hag nit ninindi weregsoho-at welahe-o ulug uruk ahebon oke, it urunanggeroho werehon epmano fano ninim welamulen ulug uruk ahep-o.

2 Korintus 11:21

Eke nit ninenggali hawag ulug hit ariroho suruk amim hinoag elegsoho welatikip ulug yig nisahup ano? Eke at misihen suontepataruk halug, an ariroho-at urunanggeroho suontepatamin-o.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.

2 Korintus 12:11

Eke anden ariroho sukag ulug hiren yig nitikipmu, an suontepataruk wilil, urunanggeroho suruk ahi-o. Eke hiren an suontep nahalepmen fano. Eke an nebe noag elehon-at oke, it ap inenggal nit mondep nisahabahon-at welahe-o ulug urukon epmano suon-at ulug inapma welahi fug-o.

2 Korintus 5:13

Eke nenek neken suruk ahe etno, At Allah ake-at suruk ahe-o. Eke nenek neken seheg eleg we fanoroho suruk ahe etno hit hinake-at suruk ahe-o.

Ibrani 5:2

Minduhup isarukmu, it apheyen dag surukon epmano eleg amag ulug iren Allah ake umburuk-o. Eke it inebe inindi oag eleg neken-at wereg-o.