2 Korintus 10:7 - Allah Wene Hurumbik Keron

⁷ Eke hit hag yi angge di angge inahap selemon epmano-at hinilanggen haruk ahep-o. Eke at ap misihen an Kristus amloho-at welahi-o, ulug ahla burukon hinanggelegma epma misig wereg haruk ahep ano? Eke ari halug, onggarehen indi fobik inim ebetaruk amag-o. Eke at ebe Kristus amloho wereg etno hag, nit At Kristus udaki-at welahe-o.

2 Korintus 10:7 ပူးပေါင်းရင်းမြစ်များ

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Yohanes 7:24

Ari halug, hiren inahap selemen surukon etno fam oag del inabuk sohorep isalug, inindi undamen surukon etno fam oag del inaptuk amuk-o,” ulug yig isebag.

1 Korintus 1:12

Eke ariroho yig nitusa etna hit demat dahan fahan uruk ahep hisihi-o. Eke ariroho uruk wilil, hat misihen, “An Paulusen angge at-o,” eke hat misihen, “An Apolosen angge at-o,” eke hat misihen, “An Kefasen angge at-o,” eke hat misihen, “An Kristusen angge at-o,” ulug uruk ahep hisihi-o.

1 Korintus 14:37

ulug hahla buruk ahenon halug, anden wene holal bal hisihion ari fam At Allahen-at ariroho yig nisarisi ulug hinahla biuk-o.

1 Korintus 15:23

Eke ari halug, alem misig misig yig hisaruk ahi-o. At Kristus ari orom iyarlo neken sega faho wereg-o. Eke fobik At waruhu halug, At udaki obog-at iniluk amuhup-o. Iniluk atuk isalug, yi angge di angge inoag elegsoho imbisawon epmano arat fanggog uhu-o.

1 Korintus 3:23

Hiren angge-at wereg oke, hit hinebe hag At Kristusen angge-at welahep-o, eke At Kristus ebe etno At Allahen angge-at wereg-o.

1 Korintus 9:1

Eke an nebe yuhun-at sil nurukon buruk ahep ano? Eke At Ninowe etnowen wene yig isil nuruk amag ulug mondep nahabag fug buruk ahep ano? Eke an At Ninowe Yesus etno ilanggen kiroho harisi fug buruk ahep ano? An neyabuk At Ninowe inuk etno fam sirikikon etno hit o epma welahep fug ano?

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 11:18

Eke it obohen we yuhun-at alem eleg heheg suontepataruk isalug, an iren surukon epmano ilitoho-at ariroho simin-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.

2 Korintus 12:11

Eke anden ariroho sukag ulug hiren yig nitikipmu, an suontepataruk wilil, urunanggeroho suruk ahi-o. Eke hiren an suontep nahalepmen fano. Eke an nebe noag elehon-at oke, it ap inenggal nit mondep nisahabahon-at welahe-o ulug urukon epmano suon-at ulug inapma welahi fug-o.

2 Korintus 13:3

Eke hiren at Paulus du Kristusen yig itukmu uruk ano ulug hit hiniluk amuhuken ulug hinog waruk ahep ari fobik hiniluk aruhu-o. Eke At Kristus etno hit hinahla epma wilil oag elegsoho suruk eleg-o, at mondog oag weregsoho-at suruk-o.

2 Korintus 5:12

Eke ari halug, hiren suontep nisahukag ulug misihim inim yig hisaruk ahe fuhon oke, eke alem du fam suontep nisahuog ulug weregma yig hisaruk ahe-o. Eke ariroho yig hisaruk ahe ari, it aphe inolohore farim suontep isaruk wilil inobabut surukon fam suontep isao sohorep isarukon etno hiren onggo yig isawag ulug yig hisehe-o.

Galatia 3:29

Eke hit hinebe At Kristusen angge welahep halug, at Abraham etamuki neken welahep-o. Eke hit at Abraham etamuki neken welahep halug, At Allahen og hisahuk ulug abug yig epahon etno hit-at og hisahu-o.

1 Yohanes 4:6

Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.